Русский  >>  فارسی  >>  Шанбе 3 декабр 2016, 16:31

ВВС консерти Далер Назаровро созмон медиҳад

23 август 2012, 04:03

Бахши Форсӣ ва Осиёи Миёнагии Би-би-сӣ ҷашнвораи филмҳои ВВС дар Тоҷикистонро баргузор мекунад.

Ин ҷашнвора ба хотири муаррифӣ аз 20 соли фаъолияти ин сервиси ҷаҳонӣ дар Тоҷикистон роҳандозӣ хоҳад шуд. Синамобазм аз 31-юми август то 2-юми сентябри соли равон дар Иттифоқи синамогарони Тоҷикистон доир мешавад. Дар кори он Содиқи Сабо, раиси бахши форсии Би-би-сӣ ширкат ҳохад кард.
Дар нахустин рӯзи ифтитоҳи ҷашнвораи филмҳои Би-би-сӣ дар шаҳри Душанбе (31-уми август, соати 15:30) филми мустанади “Фарзандони Ленин” манзур мешавад. Ин филм дар бораи зиндагӣ дар Тоҷикистон 20 сол пас аз фурӯпошии шӯравӣ қисса мекунад. Ҳамон рӯз, соати 18:30 филми мустанади дигар бо номи “Умари Хайём- нобиғаи пурсишгар” намоиш дода мешавад.  
1-уми сентябр хоҳишмандон мустанади “Ҷони Дилафрӯз” дар бораи устод Муҳаммадҷон Шакурӣ, донишманди тоҷик, “Духтарони писарпӯши Афғонистон”
дар бораи масоили ҷинсиятӣ дар Афғонистон ва “Ислом дар Амрико: Озодӣ ва Ҳарос”, филме дар бораи зиндагии мусалмонони Амрико пас аз ҳамалоти 11 сентябри соли 2001-ро метавонанд тамошо кунанд.
2-юми сентябр, соати 15:30 мустанади “Фарзандони Ленин” дар бораи зиндагӣ дар Тоҷикистон 20 сол пас аз фурӯпошии шӯрави намоиш дода мешавад.
Соати 18:00-и дуюми сентябр ба муносибати анҷоми ҷашнвораи филмҳои Би-би-сӣ дар Иттифоқи синамогарони Тоҷикистон консерти Далер Назаров, овозхони саршиноси кишвар дар назар аст.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!