Вазорати тандурустӣ ба истиқболи 21-умин солгарди истиқлоли кишвар омодагии ҷиддӣ мегирад.
Ба муносибати ин ид вазорат соли ҷорӣ дар вилояти Хатлон сохтмони ду иншоотро ба нақша гирифта буд, ки он дар арафаи анҷомёбист. Дар ин бора аз маркази матбуоти вазорат ба Озодагон иттилоъ доданд.Гуфтанист, барои сохтмони беморхонаи деҳаи Охҷари ноҳияи Восеъ ба маблағи 1 млн. 500 ҳазор сомонӣ ва барои бунёди шӯъбаи ҷарроҳӣ ва таваллуди беморхонаи марказии ноҳияи Ҷилликӯл 2 млн. 570 ҳазор сомонӣ ҷудо гардидааст, ки дар маҷмӯъ 4 млн. 70 ҳазор сомониро ташкил медиҳад:
«То имрӯз аз ҷониби пудратчиёни иншооти ҷашнӣ ба маблағи 3 млн. 113 ҳазор сомонӣ корҳои сохтмону васлгарӣ ва харидории таҷҳизоти тиббӣ ба сомон расидааст».
Мӯҳр