Русский  >>  فارسی  >>  Душанбе 5 декабр 2016, 21:31

100 фоиз афзудани талабот ба гази моеъ дар Тоҷикистон

25 август 2012, 07:19

Масъулини Хадамоти зиддиинҳисории Тоҷикистон мегӯянд, дар паи роҳандозии боҷи содиротии Русия ва гаронишавии нархзи бензини ин кишвар, талаботи Тоҷикистон ба гази моеъ қариб 100 фоиз бештар шуда, аз 5- 6 ҳазор тонна дар як моҳ то 10 – 11 ҳазор тонна расидаст.

Тибқи иттилои расмӣ воридоти гази моеъ дар моҳҳои январ – июни соли ҷорӣ нисбати соли гузашта 40 фоиз бештар шуда, 68,5 ҳазор тоннаро ташкил додаст, ки маблағи умумии он зиёда аз 48 миллион доллари амрикоиро ташкил медиҳад. Дар нуқтаҳои фурӯши сӯзишвории шаҳри Душанбе баъди камбуди кӯтоҳмуддати гази моеъ, ҳафтаи ҷорӣ он бон архи 2,8 – 3 сомонӣ сари як литр ба фурӯш бароварда шуд. Ин нарх нисабати нишондоди як ҳафта пеш 25 фоиз қимматтар мебошад. Ҳафтае пеш як литр газ дар Душанбе 2,3 сомонӣ нарх дошт.
Намояндагони ширкатҳои воридкунандаи гази моеъ далели гаронишавии маҳсулоташонро ба қимматии он дар кишварҳои истеҳсолкунанда рабт медиҳанд, ки таи ду се ҳафтаи охир нархи як тоннаи он ҳудуди 150 доллар қимматтар шудаст. Қимматии гази моеъ дар натиҷаи афзоиши нархи нафт дар ҷаҳон сурат гирифтаст.
Нархи нафт ба ҳисоби миёна рӯзҳои охир 115 доллар сари ҳар бушкаро ташкил медиҳад. Дар ҳоле, ки ҳамагӣ як моҳ пеш арзиши як бушка ба 95 доллар баробар буд.  



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!