Аз соли оянда барои муҳоҷироне, ки хоҳиши кору зиндагӣ дар Федератсияи Русияро доранд, супоридани имтиҳон аз забони русӣ ҳатмӣ мешавад.
Ин чорабинӣ дар доираи Консепсияи сиёсати давлатии он кишвар барои то соли 2025 пешбинӣ гардидаст.Тибқи Консепсия лоиҳаи тағйироти дахлдор ба қонунгузорӣ семоҳаи чоруми соли ҷорӣ пешниҳоди ҳукумати Русия гардида, аллакай дар семоҳаи дуюми соли оянда ба Думаи давлатии ин кишвар пешкаш хоҳад гашт.
Дар баробари санҷиши дониши забони русӣ, муҳоҷиронро инчунин имтиҳони ҳатмии таърихи Русия ва асосҳои қонунгузории ин кишвар интизор аст.
Бино ба иттилои Хадамоти федеролии муҳоҷирати Русия ҳамасола ба ин кишвар ҳудуди 13-14 миллион нафар ворид мешавад, ки 77 фоизашонро шаҳрвандони кишварҳои ИДМ ва 10 фоизашонро сокинони Иттиҳоди Аврупо ташкил медиҳанд. Ба ҳолати моҳи апрел дар Русия ҳудуди 9 миллиону 700 ҳазор шаҳрванди хориҷӣ қарор доштаанд, ки 3,5 миллионашон барои кор наомадаанд.
Дар маҷмӯъ, муҳоҷирони меҳнатӣ 7 фоизи кормандони дар иқтисодиёти Русия фаъолро ташкил медиҳанд. Тибқи маълумоти гуногун аз Тоҷикистон дар Русия беш аз 1,5 милллион нафар муҳоҷир кор карда, таъминкунандаи асосии оилаҳояшон ва иқтисодиёти Тоҷикистон маҳсуб мегарданд.
Мӯҳр