Русский  >>  فارسی  >>  Якшанбе 11 декабр 2016, 14:55

Раиси додгоҳ даҳони хабарнигори «Фараж»-ро баст?

27 август 2012, 12:58

Имрӯз, 27-уми август хабарнигори ҳафтаномаи «Фараж» Маҳмудҷон Раҳматовро раиси додгоҳи ноҳияи Фархор таҳдид ба марг кардааст.

Тавре журналист мегӯяд, дар баҳси манзиле, ки миёни оилаи онҳо ва ҳамсояашон бархостааст, модарашро ба додгоҳ даъват карда, ба ӯ таҳдид мекунанд, аммо вақте хабарнигор ба ҳимоят аз модараш садо баланд намуд, раиси додгоҳ Б. Ҳакимов бо дастонаш даҳони ӯро баста, таҳдид кардааст, ки ҳамин шаб ӯро муҷозот хоҳад намуд.
Ӯ мегӯяд: «Вақте ман тилфони мобилиамро гирифта ба сардори шӯъбаи корҳои дохилии ноҳияи Фархор Сафаралӣ Тағоев занг мезадам, раиси суд «ин кист, канӣ дарун дароредаш?!» гуфта дод задаву аз ҷояш хеста омада, дастҳоямро тоб дод ва кашолакунон ба идорааш дароварда гапҳои қабеҳ гуфт».
Раҳматов афзуд, диктофонашро аз дасташ гирифта, ҷузвдон (сумка)-ро кормандони додгоҳ даррондаанд. Ӯ мегӯяд, дар ҳоли ҳозир аз ояндаи худ нигарон аст: «Қаблан ҳам аз мақомот барои мақолаҳои танқидиам дар бораи мушкилоти ноҳия ҳушдор шунида будам.Кормандони суд бе ягон асос санад тартиб дода, баъди муноқиша ба милисахона равонам карданд. Баъди сӯҳбат бо сардори шӯъбаи корҳои дохилӣ маро озод карданд, вале қариб буд шаҳодатномаи рӯзноманигориамро дарронда партоянд. Ҳатто журналистонро гапҳои нолозим низ гуфт, ки дар ҳаётам нашунида будам».
Ин танҳо ҳодисае нест, ки мақомоти давлатӣ дар музофоти Тоҷикистон алайҳи хабарнигорон бо забони зӯрӣ сӯҳбат мекунанд. Дар гузашта Муҳаммадюсуф Исмоилов, хабарнигоре дар Ашт равонаи зиндон шуд, аммо бо фишори ҷомеаи байналмилалӣ ва созмонҳои рӯзноманигорӣ дигарбора озод шуд.
Дар ҳамин ҳол, бинобар иттилои дабири кулли Медиа-Алянси Тоҷикистон Хуршедҷон Ниёзов, қазияи мазкур мавриди баррасии созмонҳои журналистӣ қарор хоҳад гирифт.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!