Русский  >>  فارسی  >>  Душанбе 5 декабр 2016, 17:33

Ахтар Чодрӣ дар ҳузури райиси палатаи поёнии парлумони ҶТ

28 август 2012, 11:09

Имрӯз (28-уми август), Шукурҷон Зуҳуров, райиси МН ҳайати норвегии Ассамблеяи парлумонии Созмони Амният ва Ҳамкорӣ дар Аврупоро таҳти раёсати Ахтар Чодрӣ ба ҳузур пазируфт.

Муҳаммадато Султонов, сухангӯи палатаи поёнии парлумони мамлакат зимни ташреҳи ин хабар ба Озодагон гуфт,  аснои нишаст масоили марбут ба таҳкими муносиботи байнипарлумонӣ миёни парламент хои Тоҷикистону парлумони Шоҳигарии Норвегия мавриди баррасӣ қарор гирифт.
-Байни Тоҷикистон ва Норвегия заминаи мусоиди ҳуқуқӣ ҷиҳати барқарор ва тақвият додани ҳамкориҳои сиёсӣ, иқтисодӣ, тиҷоратӣ, энергетикӣ, фарҳангиву варзишӣ ва дигар соҳаҳо вуҷуд дорад, - гуфт Шукурҷон Зуҳуров.
Ба гуфти ӯ, бо назардошти мавҷуд будани шароити мусоиди ҳамкорӣ ҳанўз ҳам миёни кишварҳои мо равобити амиқ ба роҳ монда нашудааст. Тазаккур дода шуд, ки парлумони Шоҳигарии Норвегия таърихи беш аз 200- сола дорад ва барои Тоҷикистон истифода аз таҷрибаи парлумони он кишвар муфид аст.
Ҳамзамон, ҷаноби Ахтар Чодрӣ аз таваҷҷўҳи ҳукумат ва парлумони Тоҷикистон ҷиҳати ба роҳ мондани ҳамкории зич бо Норвегия дар ҳамаи соҳаҳо изҳори хушҳолӣ намуда, таъкид дошт, ки тақвияти ҳар  навъ равобит барои боз ҳам мустаҳкам гардидани риштаи дўстӣ байни кишварҳо ва зиёд гардидани муҳаббат ва бародарӣ миёни миллати тоҷику норвегӣ мусоидат мекунад.
Маврид ба ёдоварист, муносиботи дипломатӣ байни Тоҷикистон ва Норвегия соли 1992 барқарор шуда, дар чорчӯби ҳамкориҳои иқтисодӣ тайи солҳои охир ширкати норвегиягии “Norsk Hydro” бо корхонаи алюминии Тоҷикистон (ТАЛКО) ҳамкорӣ мекунад.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!