Русский  >>  فارسی  >>  Якшанбе 4 декабр 2016, 23:27

Шералӣ Гул: Экологҳо пеш аз пода чанг мехезонанд

29 август 2012, 11:38

Вазири энергетика ва саноати Тоҷикистон изҳороти рӯзафзуни экологҳоро дар мавриди зарари зистмуҳитии Маркази гарму барқдиҳии шаҳри Душанбе, ки дар маҳаллаи Лучоб ба нақша гирифта шудаст, «пеш аз пода чангандозӣ» гуфт.

Ба гуфтаи экологҳо дар шароите, ки тамоми ҷаҳон ба сӯи рушди сабз ҳаракат дорад, ҳатмӣ нест, ки дар пойтахти кишвар марказе сохта шавад, ки тавассути ангишт кор намуда, муҳиту сокинони атрофро заҳролуд созад. Зиёда аз ин экологҳо даъво доранд, ки мавқеи сохтмони марказ нодуруст, бе назардошти самти шамол интихоб гардидаст.
Шералӣ Гул суол мегузорад, ки агар ду сол пеш вақте хишти аввала гузоштем, сохтмона сар мекардему имрӯз тамом мекардем, баъд чӣ мешуд: «То ҳол дар куҷо буданд, ки чанд ҳафта пеш даъворо бардоштанд? Пеш ай пода чанг андохта мегарданд. Намедонанд, кӣ чӣ кардаст. Мо аввал ин масъаларо ҳаматарафа омӯхтем. Ҳамин хел Маркази гарму барқдиҳие, ки дар Душанбе дар назар аст, дар худи Чин ҳам аст. Намояндаҳои мо рафта он ҷо марказҳоро диданд. Партовҳое, ки чунин марказҳо мепартоянд, хеле кам аст ва ягон зарар намеорад. Дар ин Марказ филтри сеқабата насб мешавад. Сементзавод сад солай дар ҳамон ҷо истодаст. Ягон одам аз бехи сементзавод кӯчидагӣ рафтагӣ нест».
Дар баробари ин Шералӣ Гул мегӯяд, ҳуҷҷатҳои Маркази гарму барқдиҳии шаҳри Душанберо ҳам мақомоти экологияи ҷумҳурӣ ва ҳам пойтахт имзо кардаанд. Вай мегӯяд, дар пайи ин муқобилият ва навис-навис оиди зарарҳои экологии Марказ манфиатҳои шахсӣ меистанд: «Мақсадашон манфиатҳои шахсӣ ва барои ин безобита кардани мардум аст. Дигар ягон чиз нест».



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!