Ҳодисаи мазкур дар боғи мавсум ба «Локомотив»-и ноҳияи Шоҳмансури пойтахт ба вуқӯъ пайвастааст.
Тавре сомонаи расмии ВКД-и кишвар менависад, рӯзи 29-уми августи соли равон ба мақомоти корҳои дохилӣ дар нақлиёт Азизхон Мирзоҳакимови 26-сола дар ин маврид хаттӣ шикоят кардааст. Бино ба гуфти ҷабрдида, соати 23:30 дақиқа дар боғи Роҳи оҳан ба наздаш шахсони номаълум омада, худашонро кормандони милитсия муаррифӣ карда, аз ӯ ба таври зӯроварӣ пул гирифтаанд.
Манбаъ афзуд, ки дар дасти яктоаш таппонча буда ва ба тарафи ӯ дошта гуфтаанд, ки аз кисааш чӣ қадар маблағ дорад, барорад ва ӯро тарсонидаанд. Аснои гузаронидани чораҳои фаврӣ–ҷустуҷӯӣ аз ҷониби кормандони милитсия Хусрав Азимов (соли таваллудаш 1983, сокини ш.Душанбе, кӯчаи Айнӣ) дастгир гардида, далели шайъӣ- таппончаи оташгиронандаи тамғаи УС-9т М-9 истеҳсоли Хитой гирифта шуд.
Мӯҳр