Баргузории фестивали дӯстии ҷавонони Тоҷикистону Қирғизистон «Корвони сулҳ» таҳти унвони «Дӯстиро ҷустуҷӯ дорем мо» дар шаҳру ноҳияҳои вилояти Суғд оғоз гардид, ки дар назар аст то 7-уми сентябри соли равон идома ёбад.
Тавре аз Кумитаи ҷавонон варзиш ва сайёҳӣ ба Озодагон иттилоъ доданд, дар ин фестивал намояндагони фаъоли қишри ҷавон аз кулли манотиқи ҷумҳурӣ ва Қирғизистон ширкат менамоянд. Ин фестивал дар шаҳрҳои Истаравшану Исфара, Хуҷанду Чкаловск, ноҳияҳои Ҷаббор Расулов ва Бобоҷон Ғаффурови вилояти Суғд баргузор гардида, иштирокчиён аз мавзеъҳои таърихии ин шаҳрҳо дидан хоҳанд кард. Тибқи барномаи фестивал, баргузории чорабиниҳои фарҳангӣ, варзишию мубоҳисавӣ, вохӯриву мулоқот ва дигар чорабиниҳо, аз ҷумла мизи мудаввар дар мавзӯи «Нақши ҷавонони кишвар дар таҳкими Ваҳдати миллӣ», семинар-машварат оид ба табодули таҷрибаи Тоҷикистону Қирғизистон баргузор хоҳад шуд. Гуфта мешвад фестивали мазкур бахшида ба 21-умин солгарди истиқлолияти Тоҷикистон мебошад.
Мӯҳр