Мулоқоти Сафиалло Девонаев бо Валерий Яковлев

Сафиалло Девонаев, сардори Хадамоти муҳоҷирати Тоҷикистон дар ҷараёни сафари корияш ба Русия бо  Валерий Яковлев, сардори Раёсати Хадамоти федералии муҳоҷирати Русия дар вилояти Самара мулоқот намуд.

Абдуллоҳ Қодирӣ, сухангуи Хадамоти муҳоҷират ба хабаргузории Озодагон иттилоъ дод, ки ҷонибҳо зимни мулоқтоашон масоили ҳифзи ҳуқуқу манфиатҳои муҳоҷирон, ҳамкории дуҷониба дар бахши муҳоҷирати меҳнатӣ, фаъолияти қонунии муҳоҷирон, масъалаи омӯзиши забони русӣ, кори муштарак ва ҷалби ҷамоаи тоҷикон зимни фароҳам овардани шароити ба муҳити иҷтимоиву фарҳангии ҷомеаи Русия одат кардани шаҳрвандони Тоҷикистонро муҳокима намудаанд.
Валерий Яковлев зимни суҳбаташ аз вазъи муҳоҷират дар минтақа хабар дода, иброз намудааст, ки ҷониби Русия омода аст бо намояндагии Хадамоти муҳоҷирати назди Ҳукумати Ҷумҳурии Тоҷикистон дар Федератсияи Русия ва намояндагии корхонаи воҳиди давлатии «Тоҷикхориҷакор» дар робита ба ҳифзи ҳуқуқҳои муҳоҷирони меҳнатии Тоҷикистон ҳамкорӣ намояд.
Сарчашмаи хабар илова намуд, ки  Сафиалло Девонаев бо намояндагони ҷамоаи тоҷикон дар Русия ва муҳоҷирони меҳнатии тоҷик дар шаҳри Самара мулоқот намудааст.
Валерий Яковлев дар ин мулоқот кайд карааст, ки то 1-уми сентябри соли равон  дар кайди мухочирати  ин вилоят 30332 шаҳрванди  Тоҷикистон хаст, ки аз ин шумора 6514 нафарашон патент ва 2289 нафарашон ичозатномаи корӣ гирифтаанд.
Мавриди тазаккур аст, ки Сафиаллоҳ Девоанев 30-уми августи соли равон ба Русия сафар намуда, то кунун он ҷо қарор дорад. Номбурда қабл аз мулоқоташ бо Валерий Яковлев бо Константин Ромодановский, роҳбари Хадамоти федералии муҳоҷирати Русия мулоқот намуда буд.
Мӯҳр