Русский  >>  فارسی  >>  Шанбе 10 декабр 2016, 11:49

Тамоми сол танҳо 58 фоизи нерӯгоҳҳои хӯрди Тоҷикистон кор мекунанд

21 сентябр 2012, 06:31

Масъулини энергетикаи Тоҷикистон мегӯянд, дар фасли гармо 42 фоизи нерӯгоҳҳои кишвар аз кор мемонанд. Далели ин ҳолат зиёд будани истеҳсоли барқ арзёбӣ мешавад, ки ҳоҷат ба фаъолияти нерӯгоҳҳои хӯрдро аз байн мебарад.

Аз 271 нерӯгоҳи хӯрд, ки то ҳол дар кишвар сохта шудаанд, танҳо 159 ададашон тамоми сол фаъолият мекунанду халос. Тайи ҳашт моҳи аввал дар вилоятҳои Суғд, Хатлон ва ноҳияҳои тобеи марказ боз 6 нерӯгоҳи хӯрд сохта шудаанд, ки иқтидори умумиашон бештар аз 1,1 мегаваттро ташкил медиҳад.

Масъулини ширкати холдингии «Барқи тоҷик» мегӯянд, аз нерӯгоҳҳои хӯрди мавҷуда дар кишвар танҳо фаъолияти 14 тои он зери назорати қатъии онҳо қарор дорад. Боқимондаро шахсони инфиродӣ ва сохторҳои дигар назорат мекунанд.

Ба иттилои манбаъ, фасли сармои гузашта нишон дод, ки нерӯгоҳҳои барқи обии хӯрд камбудиҳои худро доранд. Аз ҷумлаи норасоиҳо зимни истифодабарии нерӯгоҳҳои хӯрд пеш аз ҳама норасоии об дар фасли сармо ва аз кор баромадани барномаҳои компютерии худкор мебошад: «Барои самаранок сохтани фаъолияти нерӯгоҳҳои хӯрд дар Тоҷикистон роҳбарияти «Барқи тоҷик» супориш додаст, ки дар сохтори шабакаҳо гурӯҳи таъмирӣ ташкил шаванд».

Масъулини ширкат мегӯянд, дар натиҷаи ташкили гуруҳҳои таъмирӣ ва ба истифодадиҳии нерӯгоҳҳои хӯрди нав тайи моҳҳои январ-июл дар кишвар 34 ҷойи нави корӣ муҳайё шуд.

Ба гуфтаи масъулин давоми нимсолаи аввали соли 2012 нерӯгоҳҳои хӯрди зертобеи ширкат 2,2 миллион килловат/соат нерӯи барқ истеҳсол намудаанд.









Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!