Русский  >>  فارسی  >>  Душанбе 5 декабр 2016, 09:31

Оксфам: Нархи ғалладона то 40 фоиз қимат мешавад

21 сентябр 2012, 07:05

Таҳлилгарони Созмони байналмилалии Оксфам дар гузориши ҷадиди худ ҳушдор медиҳанд, ки дар пайи таъсири тағйирёбии иқлим нархи ғаллладона аз 20 то 40 фоизи дигар гарон шуда, теъдоди қашоқонро зиёд мегардонад.

Ин дар ҳолест, ки тибқи иттилои Барномаи озуқа ва кишоварзии СММ тайи солҳои бӯҳронӣ, ки ҷаҳонро фаро гирифта буд, теъдоди гуруснагон боз 200 миллион нафари дигар бештар шуд. Ба иттилои созмон айни ҳол дар ҷаҳон бештар аз 2 миллиард нафар аз 50 то 70 фоизи даромадашонро барои озуқа сарф мекунанд. Ҷиҳати ҳалли мушкили камбуди озуқа дар ҷаҳон таҳлилгарони Барномаи озуқа ва кишоварзии СММ (ФАО) барои ҳукуматҳои кишварҳои ҷаҳон зарур медонанд, ки дастгирии хоҷагиҳои хӯрди кишоварзиро бештар намоянд. Дар шароити рушди рӯзафзуни шумораи аҳолӣ дар ҷаҳон саҳми хоҷагиҳои хӯрд дар ҳалли камбуди ғизо метавонад бузург бошад.

Камбудии корпоратсияҳои калони кишоварзиро масъулини ФАО дар он медонанд, ки дар сурати таъмин нагардидани ҳосилнокии хуб бозори озуқаро зуд камбуди мол фаро мегирад, ки якбора ҷаҳиши нархҳоро ба бор меорад. Дар Тоҷикистон баъди гузаштан аз сохтори коллективӣ аз колхозу совхозҳои калон ба хоҷагиҳои хӯрд мушкили бахши кишоварзӣ пурра ҳал нашудааст. Коршиносони соҳа мегӯянд, давлатро зарур аст, то шароитро барои дастрасии васеи деҳқонон ба техника, тухмӣ ва нерӯҳои минералӣ таъмин намояд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!