Русский  >>  فارسی  >>  Чоршанбе 7 декабр 2016, 17:27

Истеҳсоли картошка аз нишондоди президент камтар дар назар аст

22 сентябр 2012, 06:32

Тибқи иттилои масъулини Вазорати кишварзӣ истеҳсоли картошка дар хоҷагиҳои фермерию ҷамъиятӣ тайи ҳашт моҳи аввали соли ҷорӣ 136 ҳазор тоннаро ташкил додаст. Ин дар муқоиса бо ҳамин давраи соли гузашта 34 ҳазор тонна бештар аст.


Масъулини кишоварзӣ таъкид мекунанд, ки дар ин нишондод истеҳсоли картошка аз ҷониби аҳолӣ ҳисоб нашудааст. Масъулини вазорат мегӯянд, дар хоҷагиҳои фермерию ҷамъиятӣ майдони картошка 21 ҳазор гектарро ташкил додаст, ки аз 6,5 ҳазор гектараш аллакай ҳосил ҷамъоварӣ шудаст. Ҳосилнокии миёна дар баъзе ноҳияҳои картошкапарвар, аз ҷумла Мастчоҳи кӯҳӣ 200 гектар арзёбӣ мешавад.

Навъҳои нисбатан маъмули картошка, ки дар кишвар кишт мешаванд, «Пикасо», «Кардинал» ва «Санте» мебошад. Тибқи пешгӯиҳо дар маҷмӯъ дар кишвар истеҳсоли 900 ҳазор тонна картошка дар назар аст. Дар ҳоле, ки президенти Тоҷикистон дар аввали мавсими киштукор истеҳсоли як миллион тоннаро мақсад гузошта буд. Дар Тоҷикистон бо супориши президент ҷиҳати таъмини амнияти озуқаворӣ содироти картошка аз кишвар манъ аст. Дар ҳамин ҳол нархи картошка дар бозор ҳафтаҳои охир рӯ ба коҳиш ниҳодааст. Тибқи мониторинги Вазорати рушди иқтисод ва савдои кишвар картошка, тайи як моҳи охир 28 фоиз арзон шуда, айни ҳол як килои он ба ивази 1,7 сомонӣ дар фурӯш аст.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!