Русский  >>  فارسی  >>  Сешанбе 6 декабр 2016, 15:10

«Барқи тоҷик» ҳаҷми оби бе тавлиди барқ «партофташуда»-ро ҳисоб мекунад

25 сентябр 2012, 11:59

Масъулини «Барқи тоҷик» мегӯянд, партофти обро бе тавлиди барқ аз обанбори Норак қатъ кардаанд.

Ҳамасола Тоҷикистон дар пайи партофти бекоркарди об аз обанборҳо наздики 200 миллион доллари амрикоиро аз даст медиҳад. Ба қавли масъулини «Барқи тоҷик» айни ҳол мутахассисон дар пайи ҳисоби ҳаҷми обе ҳастанд, ки имсол бе тавлиди барқ партофта шудааст. Ба иттилои манбаъ, айни ҳол ҷараёни об дар дарёи Вахш ҳудуди 650 метри мукааб дар як сонияро ташкил медиҳад ва ин миқдори об дар ҳоли ҳозир кофист, то фаъолияти нерӯгоҳ бе истифодаи захираи обанбор таъмин гардад.

Масъулини «Барқи тоҷик» мегӯянд, дар сурати оғози истифодаи захираи обанбор, ночор дар кишвар маҳдудияти барқ ҷорӣ хоҳад шуд. Дар ширкат хомӯшкуниҳои охири барқро, ки дар бархе аз навоҳии Тоҷикистон сурат мегирад, ба корҳои профилактикӣ рабт дода, таъкид мекунанд, айни ҳол ягон хел маҳдудият ҷорӣ нашудааст.

Ба иттилои масъулини ширкат айни ҳол об дар обанбори Норак то ҳадди ниҳоӣ 910 метр расонда шудаст, ки аз ин ҳудуди 62 метрашро захира ташкил медиҳад.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!