Русский  >>  فارسی  >>  Ҷумъа 9 декабр 2016, 16:34

Бебарқӣ соҳибкорони бузурги чиниро аз Тоҷикистон мегурезонад

26 сентябр 2012, 05:54

Масъулини Вазорати рушди иқтисод ва савдои Тоҷикистон сабаби камтаваҷҷӯҳии соҳибкорони нисбатан бузурги қисмати ҷанубу шарқии Чинро ба Тоҷикистон бебарқӣ арзёбӣ карданд.

Манбаъ аз Вазорати рушди иқтисод ва савдо тасдиқ кард, ки дар қисмати ҷанубу шарқии Чин соҳибкороне мавқеъ гирифтаанд, ки маҳсулоти хушсифату технологӣ истеҳсол мекунанд, аммо ба Тоҷикистон камтаваҷҷӯҳанд. Қаблан Муталлиб Суфӣ, масъули Департаменти савдои наздисарҳадии Чин, дар сӯҳбат бо «Озодагон» гуфт, дар қисмати ҷанубии Чин, ки сармояҳои калон дар он ҷо мутамарказ шудаанд, Тоҷикистонро тақрибан касе намешиносад.

Ба гуфтаи Муталлиб Суфӣ Тоҷикистонро бештар дар ноҳияи Шинҷони Чин мешиносанд, ки дар ин минтақа соҳибкору ширкатҳои калони сармоягузор хеле каманд. Суфӣ таъкид намуд, ки барои ҷалби бештари сармояи калони соҳибкорони чинӣ, ҳукумати Тоҷикистонро зарур аст, то худро дар Чин васеътар муаррифӣ намояд.

Сармояҳое, ки дар ҳоли ҳозир аз Чин ба Тоҷикистон ворид мешаванд, аксаран қарзи ҳукуматӣ мебошанд, ва ба гуфтаи Муталлиб Суфӣ имконоти сармоягузорони хусусии Чинро Тоҷикистон ҳанӯз ҳам кам истифода карда истодааст.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!