Русский  >>  فارسی  >>  Якшанбе 11 декабр 2016, 18:54

Ташкилотҳои ҷамъиятии Тоҷикистон хостори таҳқиқи мунсифонаи марги Ҳамза Икромзода шудаанд

27 сентябр 2012, 04:57

Ташкилотҳои ҷамъиятии Тоҷикистон бо пахши изҳороте аз ҳукумат хостаанд, то омилони марги Ҳамза Икромзодаи 27 сола дар муассисаи ислоҳии ЯС №3/1 ошкор шавад.

Дар изҳорот омадааст, ки тибқи маълумоти хешовандони марҳум, дар бадани Ҳамза Икромзода изҳои гуногуни осеби ҷисмонӣ, аз ҷумла, доғҳои сӯхта дар қисмати қабурғаҳо, пушт, гардан, доғҳои кабуд дар шонаю пойҳо ва осебҳои сар баръало намудор будааст.
Эътилофи ташкилотҳои ҷамъиятии зидди шиканҷа аз мақомоти Тоҷикистон даъват мекунад, тафтиши фаврӣ, дақиқ, холисона ва мустақили фавти Ҳамза Икромзодаро гузаронда, кафолат диҳад, ки гунаҳкорони эҳтимолӣ ба ҷавобгарии ҷиноятӣ кашида мешаванд ва хешовандони шахси фавтида ва аҳли ҷомеаро аз ҷараён ва натиҷаи тафтишот бохабар месозад.

Дар изҳорот гуфта мешавад, ки ин ҳодисаи нахустини марг дар натиҷаи истифодаи шиканҷа дар боздоштгоҳҳои пешакӣ ва муассисаҳои ислоҳӣ нест. Эътилоф аз мақомот талаб кардааст, ки тафтишоти муассири тамоми далелҳои марг дар боздоштгоҳҳои пешакӣ ва муассисаҳои иҷрои ҷазои ҷиноятӣ, махсусан, аз рӯйи далелҳои фавти Сангов С., Шодиев Б., Бачаҷонов И., Бобоев И., Муродов Д., Бобокалонов Х, ки бар асари шиканҷа аз соли 2009 то 2012 кушта шудаанд, гузаронанд.

Зери изҳороти мазкур Анҷумани ҳуқуқшиносони ҷавон «Ампаро», Маркази мустақили ҳифзи ҳуқуқи инсон, Мактаби мустақили рӯзноманигории «Тоҷикистон - асри XXI», Ташкилоти ҷамъиятии «Дафтари ҳуқуқи инсон ва риояи қонуният», Ташкилоти ҷамъиятии «Лигаи занони ҳуқуқшиноси Тоҷикистон», Ташкилоти ҷамъиятии «Маркази ҳуқуқи инсон»
Ташкилоти ҷамъиятии «Маркази ҳуқуқи кӯдак», Фонди ҷамъиятии «Нотабене» имзо гузоштаанд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!