Русский  >>  فارسی  >>  Ҷумъа 21 июл 2017, 03:44

Тарс аз облава нархи чиптаҳоро боло бурдаст

27 сентябр 2012, 11:10

Дар нуқтаҳои фурӯши чиптаҳои ҳавопаймои шаҳри Душанбе таи чанд рӯзи охир нарх ҳудуди 150 сомонӣ боло рафта, чиптаи хатсайри  Душанбе – Маскав аз ҳадди 2 ҳазору 450 сомонӣ ҳам гузаштаст.

Масъулини нуқтаҳои фурӯши чиптаҳои ҳавопаймо нисбатан гарон шудани чиптаҳоро ба афзоиши харидорон рабт медиҳанд, ки асосан аз ҳисоби ҷавонони синнашон ба хизмати ҳарбӣ расида зиёд шудааст. «Бисёри ҷавонон чиптаро то 29 – 30 –юми сентябр талаб доранд. Бинобар ин талабот ба чиптаҳои рӯзҳои наздик зиёд аст. Бисёриҳо аз облава гурехта истодаанд» - мегӯяд яке аз фурӯшандаҳо.

Ин дар ҳолест, ки одатан фасли тирамоҳ мавсими арзонишавии чиптаҳо дар хатсайри Душанбе – Маскав аст. Дар натиҷаи кам шудани талабот ба хатсайри Душанбе - Маскав ширкатҳои ҳавопаймоӣ одатан нархҳояшонро поён бурда, дар хатсайри Маскав – Душанбе боло мебурданд, чун талабот аз ин тараф коҳиш ёфта, аз он тараф зиёд мешуд.

Масъулини нуқтаҳои фурӯши чиптаҳои ҳавопаймоӣ мегӯянд, арзоншавии чиптаҳо дар хатсайри Душанбе – Маскав эҳтимол аз моҳи октябр сар шуда, то моҳи январ ба нуқтаи арзонтарин мерасад.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Июл 2017    »
ДушСешЧорПанҶумШанЯкш
 12
3456789
10111213141516
17181920212223
24252627282930
31 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!