Русский  >>  فارسی  >>  Сешанбе 6 декабр 2016, 10:45

Суғд: Дар як рӯз ду ноболиғ ба ҷони худ қасд карданд

27 сентябр 2012, 11:35

Аз Раёсати ВКД ба Озодагон иттилоъ доданд, ки духтарак С.Б., хонандаи синфи 11-и ҷамоати Ниҷонии ноҳияи Истаравшан дар ҳавлии истиқоматияшон худро бо роҳи доркашӣ ба ҳалокат расонидааст.

Ҳодисаи дигар дар ҷамоати Яхтани ноҳияи Ғончӣ рух додаст. Хонандаи синфи 9 (писарабача) Х.У. дар оғили манзили маскунияшон худро ба дор овехтааст. «Ҳангоми азназаргузаронии ҷасадҳо ягон аломати марги зӯроварӣ мушоҳида нашудааст. Сабабҳои даст ба худкушӣ задани ноболиғон аз ҷониби прокуратура муайян мешавад»,-афзуд манбаъ.

Сарчашмаи хабар гуфт, ҳамон рӯз боз як ҷавонзани 39 сола дар шаҳраки Нови ноҳияи Спитамен худро бо роҳи доркашӣ ба ҳалокат расонидааст.
Тибқи иттилои расмӣ давоми 8 моҳи соли 2012 дар қаламрави вилояти Суғд 206 (соли 2011-121) ҳодисаи даст ба худкушӣ задани сокинони вилоят ба қайд гирифта шудааст, ки 106 нафари онҳо мардон, аз ҷумла 13 ноболиғ ва 100 зан, бо шумули 6 ноболиғ буданд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!