Русский  >>  فارسی  >>  Шанбе 3 декабр 2016, 03:19

Путин ба Душанбе меояд. Ба наздикӣ

28 сентябр 2012, 05:01

Владимир Путин, президенти Русия 4-уми октябр бо як сафари расмӣ вориди Душанбе мешавад.

Дафтари матбуотии райисҷумҳур гуфтааст, ин боздид ду рӯз идома карда, дар ҷараёни он қарор аст санадҳои муҳиме, ки комиссияҳои байнидавлатӣ дар бахши ҳамкориҳои низомӣ ва иқтисодӣ омода кардаанд, ба имзо расанд.

26-уми сентябр Юрий Попов, сафири Русия дар Тоҷикистон, зимни суханронӣ дар ҳамоиши байналмилалӣ, ки «Тоҷикистон ва Иттиҳоди гумрукӣ: Дурнамои ҳамгироиҳои ҷадид» ном дошт, гуфт, ки «сафари навбатии Владимир Путин равобиту муносиботи Русия бо Тоҷикистонро ба сатҳи сифатан нав хоҳад бардошт».

Ба навиштаи «Озодӣ» сафар Владимир Путин ба Тоҷикистон дар ҳоле сурат мегирад, ки замони ҳузури пойгоҳи 201-уми артиши Русия дар Тоҷикистон дар соли 2014-ум ба поён мерасад ва баҳси шароити тамдиди замони ҳузури ин пойгоҳ байни Маскаву Душанбе камаш 4 сол боз идома дорад. «Мақомот расман дар бораи шартҳои тарафҳо ва ҷараёни музокирот хеле кам маълумот медиҳанд, вале бино ба хабари расонаҳои русӣ, Душанбе барои ин пойгоҳ тақрибан 250 миллион доллар пули иҷора мехоҳад, ки Маскав қабул надорад»,-менависад манбаъ.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!