Русский  >>  فارسی  >>  Панҷшанбе 8 декабр 2016, 03:13

Ҳамоиши сеюми «Чоргонаи зиддимухаддиротӣ» дар Душанбе баргузор мешавад

28 сентябр 2012, 05:21

Имрӯз, 28-уми сентябр дар шаҳри Душанбе ҷаласаи паймони «Чоргонаи зиддимухаддиротӣ» баргузор мешавад.

Дар кори ҷаласа роҳбарони идораҳои мубориза бо маводи мухаддири Тоҷикистон, Афғонистон, Покистон ва Русия ширкат мекунанд. Ин сеюмин ҳамоиши паймон аст. Ҷаласаи нахуст моҳи декабри соли 2010 дар Маскав ва ҳамоиши дуюм моҳи сентябри соли 2011 дар шаҳри Кобул сурат пазируфта буд.

Баррасии тарҳи пешниҳодии «Харитаи роҳ» дар меҳвари гуфтугӯҳо қарор хоҳад гирифт. «Харитаи роҳ» чор самти асосии ҳамкориҳо миёни чор кишвар: муқобилият ба таҳдидҳои мухаддиротӣ, ки аз қаламрави Афғонистон мерасад, пешгирии нашъамандӣ, чораҳои тиббӣ, офиятбахшӣ ва ҳамкориҳои байналмилалиро дар бар гирифтааст.


Ҳамчунин чораҳои аввалиндараҷаи муқобилият ба қочоқи воситаҳои нашъаовар ва прекурсорҳои онҳо тибқи нақшаи «Харитаи роҳ» низ дар ҳамин дидор мавриди баҳсу баррасӣ қарор хоҳад гирифт.

Аз Агентии назорати маводи нашъаовари назди президенти Тоҷикистон (АНМН) ба Озодагон гуфтанд, ки дар кори ҷаласаи паймони «Чоргонаи зиддимухаддиротӣ» Рустам Назаров, директори АНМН, Зарор Аҳмад, вазири мубориза бо маводи мухаддири ҶИА Муқбили Усмонӣ, Ҷовид Иқбол, котиби Вазорати мубориза бар зидди маводи мухаддири Покистон ва Виктор Иванов, директори Хадамоти федеролии назорати маводи мухадири Русия иштирок хоҳанд кард.

«Дар ҷамъбасти вохӯрӣ изҳороти муштараки роҳбарони идораҳои зиддимухаддиротии Тоҷикистон, Афғонистон, Покистон ва Федератсияи Русия ба имзо мерасад»,-афзуд манбаъ.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!