Русский  >>  فارسی  >>  Якшанбе 4 декабр 2016, 17:12

Дар Тоҷикистон ба 100 ҳазор калонсол як банкомат рост меояд

28 сентябр 2012, 10:08

Тадқиқгарони Хазинаи байналмилалии асъор муайян кардаанд, ки дар Тоҷикистон ба сари ҳар 100 ҳазор сокини калонсол 6,57 адад намояндагии бонки тиҷоратӣ рост меояд, ки ин аз нишондоди Қазоқистон бештар буда, аз Қирғизистону Ӯзбекистон камтар аст.

Аз рӯи шумораи намояндагиҳои бонкҳои тиҷоратӣ ба сари ҳар 100 ҳазор сокини калонсол Ӯзбекистон миёни кишварҳои Осиёи Миёна дар сафи пеш меистад.

Таҳқиқгарони ХБА ҳисоб кардаанд, ки дар Ӯзбекистон айни ҳол 47,72 намояндагии бонки тиҷоратӣ ба сари ҳар ҳазор сокини калонсол рост меояд. Ин нишондод дар Қирғизистон 7,72 адад, дар Тоҷикистон 6,67 ва Қазоқистон 3,38 ададро ташкил медиҳад.

Дар Иёлоти муттаҳидаи Амрико ба сари ҳар 100 ҳазор сокини калонсол 35,43 намояндагии бонки тиҷоратӣ, дар Русия 37,09 ва дар Фаронса 41,58 намояндагӣ рост меояд.

Аз рӯи шумораи банкоматҳо Қазоқистон пешсаф аст, ки ба сари ҳар 100 ҳазор сокини калонсол 65,8 банкомат рост меояд. Дар Қирғизистон ба сари ҳар 100 ҳазор калонсол 12,07 банкомат, дар Тоҷикистон 7,68 банкомат ва Ӯзбекистон 4,54 банкомат рост меояд. Ба ҳар сад ҳазор русиягӣ 153 банкомат ва фаронсавӣ 110 банкомат рост меояд.

Дар Тоҷикистон ба гуфтаи намояндагони Бонки миллӣ таи нимсолаи аввали соли ҷорӣ ҳаҷми амалиётҳо тавассути кортҳои пластикӣ 75,1 фоиз афзудаст. Миқдори банкоматҳо дар охири шашмоҳаи соли ҷорӣ назар ба соли гузашта 100 дона ё 34,5 фоиз ва шумораи терминалҳо 307 адад ё 82,7 фоиз зиёд шудаанд. Миқдори нафаронеро, ки айни ҳол дар Тоҷикистон кортхои пластикӣ доранд, масъулини Бонки миллӣ наздик ба ним миллион нафар арзёбӣ мекунанд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!