Русский  >>  فارسی  >>  Панҷшанбе 8 декабр 2016, 05:06

Шаҳрдори Душанбе: Ордро 150 сомонӣ фурӯшед

1 октябр 2012, 05:40

Маҳмадсаид Убайдуллоев, раиси шаҳри Душанбе зимни як ҷаласа ба масъулини агентии захираҳои моддии ҷумҳурӣ ва соҳибкороне, ки ба воридоту фурӯши яхлухти орд машғуланд, гуфт, аз 1-уми октябри соли  равон ҳудуди 300 тонна ордро бо нархи 150 сомонӣ барои як халта ба  фурӯш бароранд.

Аз шаҳрдории Душанбе ба Озодагон иттилоъ доданд, зимни ҷаласа Убайдуллоев бо таҳлили воқеияти нархи маҳсулоти ниёзи аввалия дар бозорҳои шаҳр, пеш ҳама бо дарназардошти тағйирёбии нархи ғалла ва орд дар кишварҳои истеҳсолкунанда, ҳолати захираи мавҷудаву интиқолдиҳии ин намуди маҳсулотро дар бозори истеъмолии пойтахт дар ҳамкорӣ бо масъулини соҳа ва соҳибкорон баррасӣ намуд.

«Раиси шаҳри Душанбе таваҷҷӯҳи иштирокдоронро ба ғановати бозори истеъмолӣ, роҳ надодан ба таври стихиявӣ ва бе асосҳои иқтисодию сӯистифода кардан аз қобилияти харидории сокинони шаҳр болобарии нарх ба дилхоҳ маҳсулот нигаронида, баҳри дастгирии истеъмолкунандагони  пойтахт соҳибкоронро ба адлу инсоф даъват намуд ва ҷиҳати пешгирӣ аз болоравии нархи орд дар бозорҳои шаҳр КВД «Оид ба истеҳсол, харид, захира ва фурӯши маҳсулоти ниёзи аввалия дар шаҳри Душанбе» ва директорони бозорҳои коммуналию хусусии шаҳрро муваззаф сохт, ки интиқолу фурӯши ордро дар бозорҳо таъмин созанд»,-афзуд манбаъ.






Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!