Сониҳаи нақлиётӣ боиси марги 2 нафар гардид

Дирӯз дар ҷумҳурӣ 6 садамаи нақлиётӣ ба вуқуъ пайваст, ки дар натиҷа 2 нафар ба ҳалокат расида, 4 тани дигар ҷароҳати вазнини ҷисмонӣ бардоштанд.

Тавре ба Озодагон аз Раёсати бозрасии давлатии автомобилӣ иттилоъ доданд, садамаи нақлиётӣ дар ноҳияи Спитамени вилояти Суғд бо иштироки ронандаи автомашинаи тамғаи ГАЗ -53 Толиб Набиеви 42-сола рух додааст. Ронанда ҳангоми ҳаракат бо роҳи мошингарди Душанбе-Чаноқ дар километри 267-ум, бехатарии ҳаракати роҳро таъмин накарда, пиёдагарди шахсияташ номаълумро, ки ҷинсаш зан буд, пахш мекунад. Дар натиҷа, пиёдагард ҷароҳати ҷисмонӣ бардошта, дар ҷои ҳодиса ба ҳалокат мерасад.

Ҳамчунин садамаи нақлиётии марговар дар ноҳияи Исфара соати 20-00 аз ҷониби ронандаи автомашинаи «Mersedes-Bens» Шодиев Бахтиёр ба вуқӯъ пайваст. Сарнишини сабукрав ҳангоми ҳаракат дар километри 3-юми роҳи мошингарди Исфара-Конибодом дучархасавор Акрамов Икромро пахш мекунад, ки дар натиҷа ҷабрдида ҷароҳати вазнини ҷисмонӣ бардошта дар беморхона ба ҳалокат мерасад.

Манбаъ мегӯяд, тайи 10 рӯзи охир дар ҷумҳурӣ 33 садамаи нақлиётӣ рух додааст, ки дар натиҷа 13 нафар ба ҳалокат расида, 42 кас  ҷароҳати вазнини ҷисмонӣ бардоштаанд.
Мӯҳр