Русский  >>  فارسی  >>  Шанбе 3 декабр 2016, 18:39

Девонаев: Мавқеи муҳоҷирони меҳнатии тоҷикро дигарон ишғол мекунанд

4 октябр 2012, 05:09

Сафиаллоҳ Девонаев, сардори Хадамоти муҳоҷирати Тоҷикистон зимни мулоқот бо  намояндагони парлумони кишвар ва коршиносони Бонки ҷаҳонӣ иброз намуд, ки имрӯз рақобат дар бозори меҳнати ҷаҳонӣ пуршиддат мегардад ва мавқеи муҳоҷирони меҳнатии тоҷикро шаҳрвандони дигар кишварҳо ишғол менамоянд.


Абдуллоҳи Қодирӣ, сӯхангуи Хадамоти муҳоҷират ба Озодагон иттилоъ дод, ки Сафиаллоҳ Девонаев дар ин нишаст доир ба самтҳои асосии фаъолияти хадамот,  проблемаҳои дар самти муҳоҷирати меҳнатӣ ҷойдошта ибрози андеша намуда таъкид кард, ки шаҳрвандонро қабл аз сафар омода кардан лозим: «Дар шароити баамаломада моро мебояд бо дарназардошти вазъи бозори кишварҳои қабулкунанда, мутахассисони худро аз ҷиҳати забондонӣ ва касбу ҳунар омода карда, сафарбар намоем».

Бек Қурбонов, муовини раиси Кумитаи Маҷлиси намояндагони Маҷлиси Олӣ оид ба масъалаҳои иҷтимоӣ, оила ва ҳифзи саломатӣ зимни суханронӣ дар ин мулоқот оид ба раванди муҳоҷират ва сайри таърихии он дар Тоҷикистон, ҳодисаҳои ҷанги шаҳрвандӣ ва иллати муҳоҷирати мардуми тоҷик ба кишварҳои хориҷӣ сӯҳбат кард.

Манбаъ иттилоъ дод, ки Амирбек Маҳмадалиев, вакили Маҷлиси намояндагони Маҷлиси Олӣ доир ба қонунҳои танзимкунанада дар самти муҳоҷирати меҳнатӣ, инчунин, тақвият ва пурзур намудани сохторҳои таркибии Хадамоти муҳоҷират дар шаҳру ноҳияҳо ва вилоятҳо ибрози ақида намудааст.

«Томас Очакоса, коршиноси Бонки  ҷаҳонӣ бошад, роҷеъ ба раванди муҳоҷират дар ҷаҳон, таҷрибаи кишвари Филиппин, такмили сохтори Хадамоти муҳоҷират ва ҳамкории зичи тамоми вазорату идораҳои дахлдорро вобаста ба муҳоҷирати меҳнатӣ изҳори назар кард»,-афзуд Абдуллоҳи Қодирӣ.




Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!