Русский  >>  فارسی  >>  Якшанбе 11 декабр 2016, 14:56

Дар Хоруғ аз Шӯрои ВАО хостанд, ба беэҳтиромӣ ба арзишҳои исломӣ дар матбуот роҳ надиҳад

5 октябр 2012, 12:03

Имрӯз, 5-уми октябр дар ҳукумати шаҳри Хоруғи Вилояти Мухтори Кӯҳистони Бадахшон мулоқоти Шӯрои ВАО-и Тоҷикистон дар атрофи Меъёрҳои ахлоқии журналистӣ ва фаъолияти касбии журналистӣ сурат гирифт.

Дар мулоқот Хилватшоҳи Маҳмуд, дабири кулли Шурои ВАО ва аъзоёни Шӯро, Қурбон Аламшоев ва Мухтор Боқизода ширкат доштанд.
Дар нишаст беш аз 35 нафар, аз ҷумла донишҷуён, устодон, кормандони мақомоти ҳокимияти маҳаллии вилоят, шаҳри Хоруғ ва ноҳияи Шуғнон иштирок ва суханронӣ карданд.

Дар нишаст изҳори нигаронӣ карда шуд, ки дар бархе аз матбуоти даврии марказӣ ба арзишҳои динӣ ва мазҳабӣ арҷ гузошта намешавад ё беэҳтиромӣ мешавад, ки хилофи моддаи 5 ва 9-и Меъёрҳои ахлоқии фаъолияти журналистӣ дар Тоҷикистон мебошад. Иштирокчиён аз Шӯрои ВАО даъват карданд, дар ҳалли ин масъалаҳо бетараф набошанд ва ба ин мушкилот расидагӣ кунанд.

Маврид ба ёдоварист, Шӯрои ВАО ташкилоти ҷамъиятии ҷумҳуриявии ғайритиҷоратӣ, ихтиёрӣ, мустақил, машваратӣ ва худтанзимкунии ВАО буда, фаъолияти худро мутобиқи қонунгузории Тоҷикистон, санадҳои меъёрии байналмилалӣ, Оиннома ва Меъёрҳои ахлоқии фаъолияти журналистӣ дар Тоҷикистон роҳандозӣ мекунад. Муассисони ин созмон Иттиҳоди журналистони Тоҷикистон, АМВАОТ, АМВЭАОТ, Хазинаи гиромидошт ва дифоъ аз ҳуқуқи журналистон, ҶДММ «Оила», «Азия-Плюс», «Бонувони Тоҷикистон» ва СМТ мебошанд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!