Русский  >>  فارسی  >>  Чоршанбе 7 декабр 2016, 02:45

Қонунӣ кардани маводи мухаддир оқибатҳои ногувор дорад

6 октябр 2012, 05:36

Қонунӣ кардани маводи мухаддир ба коҳиши он оварда намерасонад, баръакс сабаби болоравии мизони истеъмоли он мешавад. Дар ин бора Юрий Федотов, директори иҷроияи Раёсати СММ оид ба маводи мухаддир ва ҷинояткорӣ дар сӯҳбат бо журналистон дар Ню-Йорк изҳор доштааст.

«Пешниҳоди қонунигардонии мухаддирот оқибатҳои ногувори рушди истеъмоли онро ба дунбол дорад, чунон ки дар мисоли нӯшокиҳои спиртӣ ва маҳсулоти тамоку шоҳид будем», - гуфтааст Федотов. Номбурда таъкид доштааст, ки агар ҳоло аз истифодаи маводи мухаддир дар ҷаҳон соле бештар аз 200 ҳазор нафар ҷони худро аз даст медиҳанд, пас аз истифодаи сигор 5 миллион ва аз нӯшокиҳои спиртӣ 2,5 миллион нафар бо ҳаёт падруд мегӯянд.

«Ин метавонад далеле бошад, ки бо вуҷуди имкониятҳои маҳдуд системаи байналмилалии назорати маводи мухаддир, ки конвенсияҳои СММ асоси қонунии онро таъмин кардаанд, ба ҳар ҳол натиҷаҳои муайян медиҳанд»,-афзудааст номбурда.

Директори иҷроияи Раёсати СММ оид ба маводи мухаддир ва ҷинояткорӣ иқдоми баъдии байналмилалиро дар кӯшишҳо барои маҳдудсозии доираи истеъмоли мухаддирот донист ва таъкид кард, ки ба ҳеҷ ваҷҳ иҷозаи истеъмоли озоди маводи мухаддир боиси он намегардад, ки нашъамандӣ ва ҷурму ҷинояти вобаста ба он коҳиш ёбад.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!