Як халта орд дар бозорҳои пойтахт аз аввали моҳи октябри соли гузашта то ба имрӯз зиёда аз бисту як дарсад қимат шуда, феълан аз рӯи маълумоти расмӣ ба ҳисоби миёна аз 156 то 165 сомонӣ арзиш дорад.
Тавре аз Вазорати рушди иқтисод ва савдои Тоҷикистон ба Озодагон иттилоъ доданд, айни ҳол бояд нархи миёнаи як халта орд дар кишвар 110 сомониро ташкил диҳад, аммо дар бозорҳои кишвар ин нишондод зиёда аз 156 сомонӣ мебошад.
Манбаъ таъкид кард, ки нархи як халта орд дар ҳамин давраи соли гузашта, яъне 8-уми октябри 112 сомонию 75 дирам арзиш дошт. Ҳоло аз ҳама орди арзон дар дӯконҳои ордфӯрушии бозорҳои «Деҳқон»-у «Варзоб» ба назар мерасад, ки он 155 сомонӣ ба фӯруш гузошта шудааст. Аз ҳама нархи гарон дар нуқтаҳои ордфӯрушии бозори «Саховат» ва «Шоҳмансур» ба назар мерасад, ки он ба 157 сомонӣ баробар мебошад.
Ёдрас менамоем, ҳукумати шаҳри Душанбе ба тоҷирону фурӯшандагони пойтахт чанде қабл (қабл аз моҳи шарифи Рамазон) дастур дода буд, ки нархи орд аз 110 сомонӣ зиёд фурӯхта нашавад, аммо мушоҳидаҳо нишон медиҳанд , ки дар дӯконҳои ордфӯрушӣ арзиши як халта орд аз 156 то 170 сомониро ташкил медиҳад.
Мӯҳр