МегаФон дар Бадахшон иртиботро беҳтар намуд

Ин ширкат якбора  шаш истгоҳи иртиботи бесими (ИИБ) насли дуюмро дар ҳудуди ВМБК, дар шаҳракҳои Аличул, Башкумбез, Тохтамиш, Рангкӯл, Қулма ва Қарақул, ҷое ки пештар умуман иртиботи мобилӣ мавҷуд набуд, мавриди бахрабардорӣ қарор дод.

Тавре Шаҳноз Комилзода, менеҷери ширкати «МегаФон-Тоҷикистон» ба озодагон иттилоъ дод, камбуди нерӯи барқ ва норасоии он ба ширкат монеъ шуда натавонист: «Истгоҳҳо  бо дастгоҳҳои ҳозиразамони манбаъи нерӯ ҳамгироӣ шудаанд, ки қувваи барқро аз нерӯи бод ва офтоб ҳосил мекунанд». Дар маҷмӯъ ИИБ-и нав метавонанд,  ҳудудеро, ки дар он 90% аҳолии Мурғоб истиқомат мекунанд, хизмат расонад.

Дар доираи фаъолияти истгоҳҳои  иртиботии бесими нави оператор иншооти  стратегӣ – терминали гумруки Тоҷикистону Чин ва посбонгоҳҳои сарҳадӣ ҷойгир шудааст. Ба ҳамин тариқ, алоқаи босифат ва боэътимод   барои таъмини  бехатарии кишвар мусоидат мекунад.

-Вазифаи аслии мо, кулли аҳолии Тоҷикистонро бо алоқаи мобилии боэътимод таъмин намудан аст, бо ин мақсад мо барои вусъати шабака воситаҳои муҳимро маблағгузорӣ мекунем,- мегӯяд директори иҷроияи ширкати «МегаФон» дар Тоҷикистон Андрей Шишковский.

Маврид ба ёдоварист, танҳо дар моҳи  сентябри соли ҷорӣ «МегаФон-Тоҷикистон» 10 истгоҳи нави базавиро дар ноҳияҳои дурдасти кишвар ба истифода додааст.

Мӯҳр