Русский  >>  فارسی  >>  Якшанбе 4 декабр 2016, 02:50

Парвандаи Ҳоҷиқурбон Талбонов ба додгоҳ рафт

11 октябр 2012, 10:49

Шӯъбаи тафтишотии Агентии назорати маводи нашъаовар парвандаи ҷиноӣ нисбати гумонбар ба тиҷорати маводи мухаддир Талбонов Ҳоҷиқурбонро ба анҷом расонд ва барои баррасӣ ба суди ноҳияи Синои шаҳри Душанбе ирсол намуд.

Бобоҷон Шафиев, масъули матбуотии ин ниҳод зимни ташреҳи ин хабар ба Озодагон гуфт, Талбонов охири моҳи август ба гумони нигаҳдории ғайриқонунии маводи нашъадор ва хариду фурӯши он боздошт шуда буд. Дар натиҷаи роҳандозии як амалиёти фаврӣ-ҷустуҷӯӣ ва бар пояи маълумоти дарёфтшуда аз хонае воқеъ дар кӯчаи Ҳисори пойтахт аз дохили плитаи газ халтаи пур аз ғилофакҳои худсохт пайдо ва мусодира шуд, ки лабораторияи ташхиси судии Агентӣ 772,3 грамм ҳероин будани маводро тасдиқ кард. Маводҳо андаруни 102 ғилофаки барои фурӯш омодашуда ҷо баҷо карда шуда буданд.

Тафтишот нишон дод, ки номбурда ин миқдор маводи мухаддирро бо қасди фурӯш моҳи майи ҳамин сол аз шахси барои тафтишот ношинос бо номи “Алик” ба ивази 4 ҳазор доллари ИМА харида будааст. Додугирифти онҳо нисфирӯзӣ дар паси бинои баландошёнаи «Маҷмаъаи рӯзномаву маҷаллаҳо» баргузор шуд.

Гуфтанист, Талбонов маводро ҳатто ба хонааш набурд ва муддате онро дар зери девори бетонии истгоҳи шабонарӯзии воситаҳои нақлиёт воқеъ дар маҳаллаи 33-юми пойтахт ва наздикии мактаби таҳсилоти ҳамагонии №39 пинҳон кард. Танҳо 15 август маводро аз он пинҳонгоҳ берун овард ва ба ханае, ки донишҷӯёни ҳамдеҳааш муваққатан истиқомат мекарданд, интиқол дод. Ҳангоме, ки донишҷӯён дар хона набуданд, онро дар дохили плитаи газ пинҳон сохт ва дар ҷустуҷӯи харидор ва ё воситаи интиқоли он афтод. Вале ҳанӯз ба мақсад норасида, аз ҷониби кормандони Агентӣ боздошт ва ба ҳабс гирифта шуд.

 



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!