Русский  >>  فارسی  >>  Ҷумъа 9 декабр 2016, 12:40

«Офаттамошо»-и масъулин ва ҳайронии кишоварзони Суғдӣ

14 июн 2011, 12:53

Сокинони ноҳияи Ғончӣ мегӯянд, ҳеч нафаре аз мақомотҳои давлатӣ ба онҳо кӯмак накардааст ва онҳо низ умед надоранд, ки масъулин дар ояндаи наздик кӯмакашон кунанд.


Аз омадану дидану рафтани масъулини ҳукумат чӣ фоида?
Бо гузашти ду рӯз аз боридани борону жолаи шадид дар ноҳияҳои Ашту Ғончӣ ва Панҷакент то ба ҳол хисороти ворида бар сари заминҳои кишти картошкаву сабзӣ дар ноҳияи Ғончӣ ва манозили тахрибгаштаву чорвои ба  коми сел фурӯрафтаи мардуми навоҳии Ашту Панҷакент дақиқан маълум карда нашудааст. Ҷамшед Кучаков, ёвари сардори ситоди изтирории  Суғд ба «Озодагон» гуфт, бо  вуҷуди таъсиси ситоди вижа ба ин ҳол зарари воридшуда аз ин офати табиӣ   дар шимоли кишвар пурра маълум нашудааст. Ба қавли ӯ,тахриби зиёди заминҳои кишт кори ситодро мушкил ва боиси ба дарозо тӯл кашидани он шудааст. Вай афзуд, феълан ҳама масъулини ситод дар ҷои ҳодиса кор мебаранд.     
Ёдрас менамоем, пас аз зӯҳри 12- уми июн бар асари боридани жола дар ин навоҳии Суғд селхезӣ ба вуҷуд омада, манзили даҳҳо хонаводаро тахриб, садҳо чорвою қитъаи заминҳои киштзори сокинонро ба коми худ кашидааст. Ин дар ҳолест, ки заминҳои киштзори тахрибгаштаи картошкаву сабзӣ аз васоили умдаи рӯзгузаронии мардуми ин минтақа ба шумор мераванд.
Сокинони заминҳои селрасидаи навоҳии Суғд аз он нигаронанд, ки бо вуҷуди хисороти мавҷуда ҳеч кадом аз масъулини ҳукумат ваъдаи кӯмак ба хонаводаҳои офатзадаро то ҳанӯз надодааст.
Як сокини деҳаи Басмандаи ноҳияи Ғончӣ, ки аз гуфтани номаш худдорӣ кард, ба хабарнигори «Озодагон» гуфт: «Дар рӯзи борони шадид ва ҷоришавии сел, масъулини ноҳия ба деҳаи мо омаданд ва, аммо изҳор карданд, ки бар асари хисороти ворида бар заминҳои киштзори сокинон, хукумати ноҳия имкони кӯмак ба деҳқононро надорад».
Аммо сокинони ин ноҳия мегӯянд, ҳеч нафаре аз мақомоти давлатӣ ба онҳо кӯмак накардааст ва онҳо низ умед надоранд, ки масъулин дар ояндаи наздик кӯмакашон кунанд.  
Дар чунин ҳол, аз ташрифи мусъулин ба ноҳияҳои офатрасидаи Суғд  чӣ суд аст?  Магар тамошои пайи офат, боқӣ ҳеч…
Қамари Аҳрор, Хуҷанд


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!