Русский  >>  فارسی  >>  Панҷшанбе 8 декабр 2016, 12:54

Табодули амвол миёни Тоҷикистону Эстония аз 7 миллион $ гузашт

13 октябр 2012, 04:52

Сафири фавқулода ва мухтори Тоҷикистон дар Ҷумҳурии Эстония (бо қароргоҳ дар Минск) Қозидавлат Қоимдодов ба президенти ин кишвар Томас Ҳендрик Илвес эътимоднома супорид.

Тавре ба Озодагон Давлаталӣ Назриев, сардори Раёсати иттилоот, матбуот, таҳлил ва тарҳрезии сиёсати хориҷии Вазорати корҳои хориҷии ҷумҳурї иттилоъ дод,  пас аз маросими расмӣ, сӯҳбати мустақими президенти Ҷумҳурии Эстония бо сафири Тоҷикистон доир гардид.

Ҷонибҳо робитаҳои тиҷоратию иқтисодии ду ҷонибро муҳокима карда, зикр намуданд, ки робитаҳои тиҷоратию иқтисодӣ ва инвеститсионӣ ҳаҷмҳои нисбатан кам дошта бошанд ҳам, тамоюли мусбати инкишофро доранд. Аз ҷумла, дар соли 2011 нисбат ба соли 2010 савдои мутақобилаи байни ду кишвар 30 % афзуда, 2,654 млн доллари ИМА-ро ташкил намуд. Дар нимсолаи аввали соли 2012 гардиши савдои байни Тоҷикистону Эстония 7,16 млн долларро ташкил дод. Дипломати тоҷик ва президенти Эстония ба мувофиқа расиданд, ки таъсис додани Комиссияи байниҳукуматӣ яке аз воситаҳои таъсирбахш ҷиҳати фаъол намудани ҳамкориҳои тиҷоратию иқтисодӣ, илмию техникӣ ва тавсеаи робитаҳои байни доираҳои соҳибкорӣ мебошад. Дар рафти сӯҳбат соҳаҳои саноат, бахши аграрӣ, рушди соҳаи сайёҳӣ, тавсеаи муносибатҳо дар соҳаҳои нақлиёт ва коммуникатсияҳо, истифодаи таҷрибаи Эстония дар соҳаи технологияҳои иттилоотӣ ҳамчун самтҳои афзалиятноки ҳамкорӣ ишора гардиданд.

 

 



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!