Русский  >>  فارسی  >>  Якшанбе 11 декабр 2016, 03:20

Боздошти “моҳичаҳои” фурӯши мухаддирот дар вилояти Хатлон

15 октябр 2012, 04:55

Дар вилояти Хатлон аз ҷониби кормандони Агентии назорати маводи мухаддир афроде боздошт шуданд, ки ба майдафурӯшии чунин мавод машғул буданд.

Дар ин бора ба Озодагон Бобоҷон Шафиев аз Агентии мазкур иттилоъ дод.

Ба иттилои манбаъ, рӯзи 5 октябр дар шаҳри Қурғонтеппа зода ва сокини 42-солаи ҳамин шаҳр бо героин ва ҳашиш боздошт гардид. Мавсуф бо маълумоти олӣ бекор буда, оиладор ва соҳиби 6 фарзанд будааст.

Рӯзе баъд зодаи маркази вилоят, истиқоматкунандаи 46-солаи ноҳияи Бохтар, ки соҳиби 7 фарзанд буда, дар ҷое кор намекардааст, бо героин ва афюн дастгир шуд.

Баъд аз зӯҳри рӯзи 11 октябр дар қаламрави ноҳияи Ҷалолиддини Румӣ шаҳрванди 31-солаи ҳамин ноҳия бо маводи нашъаовари героин боздошт гардид. Номбурда муҷаррад, дорои маълумоти миёна ва бекор буда, соли 2010 аз рӯи моддаи 201, қисми 1 (нигаҳдории ғайриқонунии маводи нашъаовар ва моддаҳои психотропӣ) КҶ Ҷумҳурии Тоҷикистон суд шуда будааст.

Аз рӯи ин ҳодисаҳо парвандаҳои ҷиноӣ оғоз шуда, тафтишот барои муайян кардани шарикони боздоштшудагон идома дорад.

Шахсони ахиран дастгиршуда тоҷирони бозорҳои ғайриқонунии дохилии маводи мухаддир буда, асосан ба майдафурӯшӣ ва таъмини истеъмолгарони мухаддирот дар кишвар машғуланд. Табиист, ки ин гуна афрод, бо вуҷуди он ки захираҳои калони маводи мухаддир надоранд, вале барои нашъамандсозии ҷомеа пурхавфанд. “Ин аст, ки амалиётҳои ҷустуҷӯӣ ва фаврӣ ҷиҳати ошкор сохтани чунин одамон ҳамвора доир мешаванд, ҳарчанд, ки мо дар бораи на ҳамаи ин гуна боздоштҳо хабар медиҳем, - қайд намуд манбаъ. – Аз сӯи дигар, ин амалиётҳо дар канори боздоштҳо ва мусодираҳои пуровоза сурат мегиранд.”

Зарфи ин як ҳафтаи охир дар вилоятҳои Хатлон, Суғд ва шаҳри Душанбе кормандони Агентӣ аз 14 то 160 килоӣ маводи мухаддир, ки барои интиқоли минбаъда ба кишварҳои ИДМ омода шуда буд, ошкору мусодира ва соҳибонашонро боздошт кардаанд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!