«Вавилон-М» истифодаи шабакаҳои иҷтимоиро барои муштариёнаш ройгон кард

Ширкати «Вавилон-Мобайл» барои муштариёни худ имконият фароҳам овард, то аз шабакаҳои иҷтимоӣ, аз ҷумла «В Контакте» ва «Facebook» ройгон истифода баранд.

Тавре аз ширкати «Вавилон-Мобайл» ба Озодагон хабар доданд, ин тасмим бо дархости зиёди муштариён гирифта шудааст. Акнун муштариёни ширкат метавонанд, аз хизматрасониҳои матнии шабакаҳои иҷтимоии номбаршуд, бе маҳдудият ва бе пардохти маблағи иловагӣ истифода намоянд.

Манбаъ афзуд, навъи матн дар худ танҳо маълумоти матниро доро буда, дастрасиро ба хизматрасониҳои бисёрмуҳита (акс, видео ва аудио) иҷозат намедиҳад.

«Ҳангоми тамошои пурра дар «В Контакте» ва «Facebook», инчунин файлҳои бисёрмуҳита пардохт барои трафик мутобиқи нақшаи тарофавии муштарӣ гирифта мешавад. Навъи матнии хизматрасонӣ барои браузери Opera Mini дастнорас аст. Ҳангоми истифода аз Opera Mini пардохти трафик мутобиқи нақшаи тарофавӣ ҳисоб мешавад»,-афзуд манбаъ.

 

Мӯҳр