Русский  >>  فارسی  >>  Якшанбе 11 декабр 2016, 05:12

«Облава» аз байн меравад, хизмат алтернативӣ мешавад

15 июн 2011, 06:07

«Хизмати алтернативии шаҳрвандӣ». Анҷумани ҳуқуқшиноси ҷавони Тоҷикистон мавсум ба «Ампаро» таҳти чунин унвон пешнависи тарҳи як қонуни вижаро омода карда, ба маркази миллии қонунгузорӣ ва Маҷлиси Намояндагон ироа намуданианд.

Тавре Дилафрӯз Самадова, як масъули ин созмон ба хабаргузории «Озодагон» гуфт, пешнависи ин лоиҳаи қонун дар ҳамойиши вижа дар Душанбе аллакай баррасӣ гардид ва дар сурати тасвиби он шеваи ҷадиди хизмати шаҳрвандӣ ҷойгузини хизмат дар артиш хоҳад гашт. Самадова афзуд, ин навъи хизмат барои ҷавононе пешбинӣ шудааст, ки ба далели ақоиди мазҳабӣ, мушкилоти хонаводагӣ ва вазъи саломатӣ имкони хизмат дар артишро надоранд. Гуфта мешавад, ин ҷавонон дар хона-интернати маъюбон, парваришгоҳҳои кӯҳансолон ва ё сохтмонҳо бо ҳақмузди камтар метавонанд хизмати сарбозиро адо кунанд. Аммо хизмати алтернативӣ барои ин гурӯҳ на 2, балки 3 сол пешбинӣ гардидааст.
Як чунин таҷриба дар бахши хизмати алтернативии шаҳрвандон дар кишварҳое ба мисли Русия, Ӯзбакистон ва Озарбойҷону Қирғизистон роиҷ буда, Русия дар соли 2004 қонуни «Хизмати алтернативии артиш»-ро қабул кардааст.
Коршиносони маҳаллӣ мегӯянд, шояд бо қабули ин қонун дар Тоҷикистон даъват ба сафи артиши миллӣ беҳбуд ёфта, падидаҳои номатлуб аз қабили «облава» куллан аз байн равад.    




Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!