19 октябри соли равон дар шаҳри Олмати бузургтарин Маркази савдо дар миқёси Осиёи марказӣ кушода шуд.
Лоиҳаи Маркази савдои Esentai Mall аз тарафи ширкати машҳури амрикоӣ SOM (Skidmore Owings & Merrill LLP) кашида шуда, манзараи хеле бошукуҳ дорад. Аз тирезаҳои марказ манзараи зебои кӯҳҳои Тён-шон ба чашм мерасад.
Маркази савдои Esentai Mall аз ҷониби ширкати Capital Partners ба маблағи 450 млн. доллар сохта шудааст. Тавре, директори генералии ширкати мазкур зимни нишасти матбуотӣ дар шаҳри Олмати иброз намуд, тамоми маводи сохтмонӣ аз арматур то семент аз Аврупо оварда шуда ва сифати баландаринро дорост.
Маркази савдои Esentai Mall барои харидорони Қазоқистон ва тамоми Осиёи марказӣ молҳои брендҳои машҳуртарини ҷаҳонро пешкаш менамояд. Мағозаҳои маркази мазкур аз ҷониби брендҳои машҳури дунё ба иҷора гирифта шудаанд ва дар сатҳи фурӯшгоҳҳои маъруфтарини Лондон, Токио, Гонконг ва Дубай меистанд.
Маркази савдои Esentai Mall дар майдони 52 000 метри мураббаъ сохта шуда, аз 6 қабат иборат аст. Соҳибмулки ин иншооти бошукӯҳ ширкати Capital Partners Retail Company Almaty LLP мебошад. Зикр намудан ба маврид аст, ки брендҳои маъруфи Saks Fifth Avenue, Louis Vuitton ва Fendi аввалин бор дар Осиёи маркази мағозаҳои худро дар Маркази савдои Esentai Mall кушоданд.
Мӯҳр