Русский  >>  فارسی  >>  Чоршанбе 7 декабр 2016, 15:36

«Регар-ТадАЗ» дар садри ҷадвали Лигаи олии футбол мақом гирифтааст

22 октябр 2012, 12:07

Бозиҳои даври 21-уми Лигаи олии футболи Тоҷикистон ба анҷом расид.

19-уми октябр дастаҳои «Гвардия»-и Душанбе ва «Хайр»-и Ваҳдат дар варзишгоҳи КМВА (ССКА)-и Вазорати мудофиаи Тоҷикистон рақобат карданд. Ин бозӣ бо ҳисоби 3:1 бар нафъи «Хайр» поён ёфт. Ду бозии дигари ин давр 20-уми октябр баргузор шуд. «Регар-ТадАЗ»-и Турсунзода дар майдони худ «Ҳосилот»-и Фархорро бо ҳисоби бузурги 9:1 мағлуб кард. Дастаи «Равшан»-и Кӯлоб дар варзишгоҳи «Авиатор»-и пойтахт бар тими «Энергетик»-и Душанбе бо ҳисоби 2:1 пирӯз шуд.

Се бозии охири ин давр, дирӯз (21.10.2012) баргузор гардид. «Истиқлол»-и Душанбе дар меҳмонӣ тими «Парвоз»-и Бобоҷон Ғафуровро бо ҳисоби 3:0 мағлуб кард. ССКА «Помир»-и Душанбе дар майдони худ ба дарвозаи «Зарафшон»-и Панҷакент 5 голи беҷавоб зад. Бозии миёни «Вахш»-и Қӯрғонтеппа ва «Хуҷанд»-и Хуҷанд мусовӣ- 0:0 анҷом ёфт.

Ҳамин тариқ, «Регар-ТадАЗ» бо 48 имтиёз аз 19 бозӣ дар садри ҷадвал қарор дорад. «Равшан», ки аз 19 бозӣ 47 хол ба даст овардааст мақоми дуюмро касб мекунад. «Хайр» 18 бозӣ анҷом дода ва соҳиби 39 имтиёз асту дар ҷадвали мусобиқа ҷойи сеюмро муаррифӣ мекунад. «Истиқлол» аз 16 бозӣ 36 хол ба даст оварда, дар зинаи чорум қарор дорад.

Нишонзанони беҳтарини сабқат инҳоянд: Аҳтам Ҳамроқулов («Регар-ТадАЗ») 16 гол, Дилшод Восиев («Истиқлол»), Комил Саидов («Регар-ТадАЗ») 14 голӣ ва Шодибек Ғаффоров («Энергетик») 11 гол.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!