Русский  >>  فارسی  >>  Душанбе 29 май 2017, 14:33

Хатлон: Ду ноболиғ бар асари садама ба ҳалокат расид

23 октябр 2012, 06:00

Бар асари ду сониҳаи нақлиёти дар ҷануби кишвар ду ноболиғ ҷон бохт.

Тавре аз Раёсати бозрасии давлатии автомобили ВКД ба Озодагон иттиллоъ доданд, рӯзи гузашта, 22-юми октябр ронандаи автомашинаи тамғаи «Тайота Карона» Умед Наботови 36 сола аснои ҳаракат аз самти ноҳияи Ҳамадонӣ ба ҷониби шаҳри Душанбе дар километри 73-юми роҳ аз уҳдаи идораи воситаи нақлиёт набаромада ба дарахти канори рост бармехӯрад. Дар натиҷа худи ронанда ҷароҳати ҷисмонӣ гирифта, мусофири он ноболиғи 8 сола Рафоати Умед дар беморхона ба ҳалокат мерасад.

Худи ҳамон рӯз ронандаи автомашинаи «Опел астра» Тоҷиддин Ғаюрови 26 сола ҳангоми ҳаракат бо роҳи мошингарди Душанбе-Кӯлоб аз идораи воситаи нақлиётро аз даст дода, пиёдагарди ноболиғ Алифмоҳ Қаландароваи 7 соларо пахш мекунад. Ноболиғ аз ҷароҳатҳои бардошта мефавтад.

Сарчашмаи хабар афзуд, шабонарӯзи гузашта дар роҳҳои автомобилгарди ҷумҳурӣ 11 садамаи нақлиётӣ ба қайд гирифта шудааст, ки бар асари он 3 нафар ҷони худро аз даст дода, 9 тани дигар захм бароштаанд.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!