Русский  >>  فارسی  >>  Ҷумъа 9 декабр 2016, 10:42

ВКД: Рабудани кӯдакон барои гирифтани узви бадан овозаи бе асос аст

29 октябр 2012, 07:16

Тайи як ҳафтаи ахир миёни сокинони кишвар ҳангомаву овозаҳои зиёде дар бораи рабудани кӯдакон барои гирифтани узви бадани  онҳо паҳн гардид.

Вазорати корҳои дохила иттилоъ медиҳад, ки як чунин ҳодиса (гум шудани кӯдак) дар ноҳияи Ҳисор  ба қайд гирифта шуда буд, аммо овоза асос надорад. Маврид ба тазаккур аст, ки дар санаи  9-уми октябри соли равон ба шӯъбаи   корҳои дохилӣ дар ноҳияи Ҳисор аризаи шаҳрванд Зубайдулло Ҳусейнов, сокини ҷамоати деҳоти Алмосии ҳамин ноҳия ворид гардид, ки писари хурдсолаш Шаҳриёр Ҳусейнови 4-сола, бедарак гум шудааст.

Манбаъ афзуд, ки вобаста ба ин парвандаи ҷустуҷӯӣ боз карда шуда, корҳои ҷустуҷӯӣ оғоз карда шуданд ва тамоми фарзияҳо, маконҳои эҳтимолии рафтан ва ё мавҷуд будани ин ноболиғ мавриди санҷиш қарор дода шуданд: «Пас аз чанд рӯзи ин ҳодиса аз рӯи ҳадсу гумонҳои беасос, ки гӯё Шаҳриёрро шахсони номаълум ба мошини сиёҳшиша савор намуда, ба ҷониби номаълум бурдаанд дар аксари расонаҳои хабарии кишвар маводҳо дарҷ гардиданд, ки ин боиси дар миёни мардум паҳн гардидани ҳангомаву овозаҳои зиёде дар бораи рабудани кӯдакон барои гирифтани узви бадани онҳо  гардид».

Дар пайи амалиёти кормандони ҳифзи ҳуқуқ рӯзи 27-уми октябри соли равон тахминан соати 15.00-дақиқа, аз соҳили дарёи «Хонакоҳ», воқеъ дар ҳудуди деҳаи Тутакаи ҷамоати деҳоти Алмосии ноҳияи Ҳисор, ҷасади ноболиғ Шаҳриёр Ҳусейнов бе аломатҳои марги маҷбурӣ дарёфт карда шуд, ки ноболиғ бинобар беназоратии падару модар ва наздиконаш ба дарё ғарқ шуда, ба ҳалокат расидааст.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!