Русский  >>  فارسی  >>  Шанбе 3 декабр 2016, 03:18

«Рӯзи сиёҳи Кашмир» дар Душанбе

29 октябр 2012, 12:02

Таҳти чунин унвон имрӯз дар сафорати  ҷумҳурии исломии Покистон дар Тоҷикистон ҳамоиш  баргузор гардид.

Амҷад Ҳусайн Бсиал, сафири Покистон дар Тоҷикистон зимни баромадаш дар ин чорабинӣ иброз намуд, ки мақсад аз баргузории ин нишаст, ёдоварӣ кардан аз ҳоли табоҳи мардуми Кашмир  буда, ҳамасола аз ин ҷашнвора 27-уми октябр таҷлил карда мешуд, вале имсол аз сабаби рост омадани Иди Қурбон ба ин сана баргузории чорабинӣ ба таъхир гузошта шуд.Номбурда қайд намуд, ки ҳарчанд давлати Ҳиндустон борҳо ҷиҳати ҳалли масъалаи Кашмир ва зиндагии оромонаи мардуми ин минтақа аз минбарҳои СММ ва дигар ташкилотҳо ҳар гуна ваъдаҳо додааст, вале имрӯз баръакс, зидди ваъдаҳои худ амал менамояд: «Мардуми Кашмир таҳти назорати бисёр сахти қувваҳои мусаллаҳи Ҳиндустон ҳастанд. Соли 2009 бародарони кашмирии мо хостанд масъалаи Кашмирро бо роҳи осоишта ҳал намоянд, вале Ҳиндустон нагузошт, ки чунин шавад.

То ҳол мо боре нагуфтаем, ки Кашмирро гирифтан мехоҳем. Мо сулҳро дар ин минтақа мехоҳем. Бубинед 65% мардуми Кашмир мусулмонанд. Бигузор, худи мардум интихоб кунанд,ки Кашмир ба Ҳиндустон дохил карда шавад ва ё Покистон».

Амҷад Ҳусайн Бсиал илова кард, ки бисёр мехоҳад Амрико, СММ ва дигар созмонҳои байналхалқӣ ҳамчун миёнрав ба масъалаи Кашмир мусоидат намоянд.

Ба қавли ӯ, то агар мардуми Кашмир рӯзи осоиштаро набинанду сулҳро ба даст наоранд, минтақаро осоишта тасаввур кардан номумкин аст.Сафири Покистон дар
Тоҷикистон мегӯяд, ба таърих назар афканем кашмириён ба тоҷикистониён наздикиҳои зиёде доранд.

Бино ба иттилои Амҷад Ҳусайн Бсиал дар Кашмир нафарони кушташуда 93 ҳазору 579, занони ҷабрдида 10 ҳазор, занони бешавҳар беш аз 22 ҳазорро  ташкил медиҳад.  






Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!