Русский  >>  فارسی  >>  Ҷумъа 9 декабр 2016, 12:37

Тоҷикистон ва Беларус: Табодули мол ба 60 миллион доллар баробар шуд

2 ноябр 2012, 11:53

Дар Душанбе мулоқоти Шариф Раҳимзода, вазири рушди иқтисод ва савдои Тоҷикистон бо Олга Гаврук, сафири Беларус дар ҶТ сурат пазируфт.

Тавре аз вазорати мазкур ба хабаргузории Озодагон иттилоъ доданд, дар нишаст вазъи умумии робитаҳои иқтисодӣ ва дурнамои рушди ҳамкориҳо миёни Тоҷикистон ва Беларус мавриди баррасӣ қарор гирифт. Ҷонибҳо иброз доштанд, ки ҳамкориҳо сол ба сол густариш ёфта тақвият меёбанд.

Ҳамзамон, дар мулоқот таъкид гардид, ки гардиши мол миёни ду кишвар дар соли гузашта 66,9 миллионн доллари ИМА-ро ташкил дод, ки нисбат ба нишондиҳандаи як соли қабл 167,4% зиёдтар аст: «Дар нӯҳ моҳи соли ҷорӣ бошад, гардиши мол байни Ҷумҳурии Тоҷикистон ва Ҷумҳурии Беларус ба 60,7 миллион доллар расид ва ин нишондод нисбат ба ҳамин давраи соли гузашта 114,9% афзоиш ёфтааст».

Манбаъ мегӯяд, дар анҷоми мулоқот зикр гардид, ки ин дастовардҳо ҳанӯз ҳар ду ҷонибро қонеъ карда наметавонанд ва дар оянда ҳамкориҳои мутақобилан судмандро дар самтҳои мухталифи иқтисод, аз ҷумла соҳаҳои комплекси агросаноатӣ ва энергетика, ташкили корхонаҳои муштарак, иштирок дар лоиҳаҳои муштараки иқтисодӣ ва ғайра бояд тақвият бахшид.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!