Муҳаммад Ғойиб сармуҳаррири нашрияи «Ҷумҳурият» таъин шуд

Президенти кишвар дар ҳайати роҳбарии яқ қатор вазорату идораҳо тағйироти кадрӣ ба амал баровард.


 
Тибқи иттилои Хадамоти матбуотии райисҷумҳур бо қарорҳои Ҳукумати кишвар мушовири калони президентоид ба сиёсати иқтисодӣ Неъматҷон Бӯриев ба вазифаи муовини якуми Вазири рушди иқтисод ва савдо таъин гардида, зимнан муовини Вазири адлия Абдуманон Холиқов, муовини якуми Вазири адлия ва мудири шӯъбаи назорати Дастгоҳи иҷроияи президент Ҳаким Мирсаев муовини вазири адлия баргузида шуданд.  Каримҷон Азизов,  муовини якум ва Шоҳона Одинаева муовини директори телевизиони Сафина таъин карда шуданд.

Ба иттилоъи манбаъ, Муҳаммад Ғойиб, ки қаблан директори Шабакаи аввали телевизиони Тоҷикистон буд, сармуҳаррири рӯзномаи Ҷумҳурият таъин карда шуд. Тибқи талаботи моддаи 13-и Қонуни Ҷумҳурии Тоҷикистон «Дар бораи Палатаи ҳисоби Ҷумҳурии Тоҷикистон» ба Маҷлиси намояндагони Маҷлиси Олии Ҷумҳурии Тоҷикистон аз ҷониби Президенти Ҷумҳурии Тоҷикистон доир ба таъин намудани сараудиторҳои Палатаи ҳисоби Ҷумҳурии Тоҷикистон пешниҳод ирсол гардид. Ба ин вазифаҳо Сардори Раёсати пешгирии коррупсияи Агентии назорати давлатии молиявӣ ва мубориза бо коррупсияи Ҷумҳурии Тоҷикистон Ашуралӣ Мирзоев, Роҳбари Котибот дар назди Кумитаи Маҷлиси намояндагони Маҷлиси Олии Ҷумҳурии Тоҷикистон оид ба иқтисод ва молия Қосим Муминов, Муовини сардори Раёсат-сардори шӯъбаи назорати давлатии молиявии Раёсати Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар шаҳри Душанбе Файзалӣ Зарипов, Муовини Сардори Раёсати Агентии назорати давлатии молиявӣ ва мубориза бо коррупсияи Ҷумҳурии Тоҷикистон Маҳмадалӣ Самиев ва Сардори Саридораи молияи Вилояти Мухтори Кӯҳистони Бадахшон Зикрихудо Самадов пешниҳод шуданд. Мӯҳр