Русский  >>  فارسی  >>  Панҷшанбе 8 декабр 2016, 01:14

Президент ҳокими вилоятро бо хоҳиши худаш ба истеъфо фиристод

16 июн 2011, 11:39

Президенти Русия қабл аз мӯҳлат ваколатҳои губернатори вилояти Тверро лағв кард.

Хадамоти матбуотии Кремл менависад, рӯзи 16-уми июни соли равон Дмитрий Медведев фармони барканории Дмитрий Зеленин, устондори Тверро ба имзо расонид. Тибқи санади мазкур, Зеленин бо хоҳиши худ аз симматаш барканор гардида, нойиб райиси вилояти Рязан Андрей Шевелев ҷойгузини ӯ хоҳад шуд.

Андрей Шевелев, дар рӯйхати кадрҳои эҳтиётии райисҷумҳури Русия ҷойгир буда, соли 1995 унвони Қаҳрамонии ин кишварро барои иштирок дар барқарорсозии сохти конститутсионӣ дар Чеченистон соҳиб гардидааст. Ӯ дар соли 1970 дар шаҳри Белий Калинини вилояти Твер ба дунё омада, хатмкардаи омӯзишгоҳи низомии суворовӣ ва мактаби олии ҳавонавардии Рязан аст. Ду маротиба депутати Думаи Давлатӣ интихоб шуда, соли 2008 муовини губернатори Рязан таъин гардида буд.

Расонаҳои Русия дар мавриди истеъфои Дмитрий Зеленин, собиқ губернатори Твер ахиран маводи зиёде ба нашр расонида буданд. Аз ҷумла гуфта мешуд, ки Зеленин узвияташро дар ҳизби ҳокими «Русияи Воҳид» (Единая Россия) қатъ кардааст. Ҳамчунин, гӯё ӯ дар блоги шахсияш тирамоҳи соли гузашта навиштааст, ки «дар Кремл аснои меҳмондорӣ газак бо кирмҳои зиндаи баҳорӣ  пешкаш мекунанд».




Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!