Русский  >>  فارسی  >>  Ҷумъа 9 декабр 2016, 12:45

22,5 миллион доллари Бонки аврупоии таҷдид ва рушд ба сохторҳои кишоварзии Тоҷикистон

17 июн 2011, 02:51

Қосим Қосимов, вазири кишоварзӣ бо Эдуард Ауэр, сафири Иттиҳоди Аврупо дар Тоҷикистон мулоқот кард.

Тавре ба хабаргузории «Озодагон» аз дафтари матбуотии ин вазорат иттилоъ доднад, дар нишаст масоили  ҳамкориҳо бо Иттиҳоди  Аврупо  ва намояндагии Комиссияи Аврупо дар Тоҷикистон, татбиқи як қатор  лоиҳаҳо, ки ба рушди бахши кишоварзии ҷумҳурӣ иртибот доранд, мавриди баррасӣ қарор гирифт.

Гуфта мешавад, бо дастгирии молиявии Бонки аврупоии таҷдид ва рушд, соли 2007 лоиҳаи «Низоми маблағгузории молиявии ҷумҳурии Тоҷикистон» (ТАФФ)  ба маблағи 22,5 млн. доллари амрикоӣ амалӣ гардида, барои рушди соҳаи пахтакорӣ дар ноҳияи Ёвон лоиҳаи  «Беҳтарин  ташаббусҳои хоҷагиҳои пахтакор» дар доираи ҳамкориҳои дуҷониба  амалӣ гардид.

Сафири ИА Эдуард Ауэр, ҳамкориҳои дуҷонибаро бо вазорати кишоварзии Тоҷикистон мусбӣ арзёбӣ карда гуфт, дар оянда  тибқи лоиҳаҳо , аз ҷумла «Барномаи расонидани кӯмакҳои молиявӣ ба соҳаи кишоварзии Ҷумҳурии Тоҷикистон» (ТАFF-II) бо татбиқи  лоиҳаи дуюм тавассути  Корпоратсияи байналмилалии молиявӣ маблағгузории Байналмиллалӣ (МФК)-«Лоиҳаи  рушди маблағгузории соҳаи кишоварзӣ ва беҳтар намудани соҳибкории миёна дар Тоҷикистон» (TAFBEP), баҳри  рушди соҳаи кишоварзӣ маблағгузорӣ карда мешавад.Айни замон дар ҷумҳурӣ  лоиҳаи ТАFF-II бо мақсади дастгирии соҳаи кишоварзӣ, соҳибкории хурду  миёна ва таъмини ҷойи кор бо додани қарзҳои хурду миёна  тавассути «Агроинвестбонк», «Бонки Эсхата», «Амонатбонк», ташкилотҳои қарзии хурди «Ҳумо», «Арванд»  ва амсоли инҳо фаъолият дорад.

 

{jathumbnail off}



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!