Русский  >>  فارسی  >>  Якшанбе 11 декабр 2016, 18:52

ИМА ҳамкориро бо Китобхонаи миллии Тоҷикистон ба роҳ мемонад

21 ноябр 2012, 05:27

Китобхонаи Конгресси Иёлоти Муттаҳидаи Америка омодааст барои таҳкими минбаъдаи робитаҳои дуҷониба ба Китобхонаи миллӣ ва Академияи илмҳои Тоҷикистон ҷиҳати таҳияи лоиҳаҳо тавассути ЮНЕСКО тавсияҳои заруриро пешниҳод намояд.

Ин нукта зимини мулоқоти Нуриддин Шамсов, сафири Тоҷикистон дар Америка бо Мари-Ҷейн Диб, сардори бахши Африка ва Ховари миёнаи Китобхонаи Конгресси ИМА иброз гардид.

Аз Вазорати корҳои хориҷаи Тоҷикистон ба Озодагон иттиллоъ доданд, ки дар ҷараёни ин мулоқот Нуриддин Шамсов ҷиҳати ифтитоҳи бузургтарин Китобхонаи миллии Тоҷикистон ва оид ба китобу захираҳои электронии он маълумот додааст: « Таъкид гардид, ки Тоҷикистон ҷонибдори ба роҳ мондани ҳамкории амалӣ миёни Китобхонаи Конгресси ИМА ва Китобхонаи миллии Тоҷикистон мебошад».

Мари-Ҷейн Диб зимни ин нишаст иброз доштааст, ки Китобхонаи Конгресси ИМА бо як қатор китобхонаҳои кишварҳои хориҷӣ ҳамкории судмандро ҷиҳати амалисозии китобхонаи рақамии ҷаҳонӣ пиёда кардааст.

Манбаъ мегӯяд, дар анҷоми мулоқот ҷониби Тоҷикистон якчанд китоб ва асарҳои муаллифони тоҷикро ба Китобхонаи Конгресс тақдим кард.

Инчунин тасмим гирифта шуд, ки дар оянда табодули намунаҳои асарҳои илмиву фарҳангӣ миёни ҷонибҳо ва ташкили маросимҳои фарҳангии муштарак дар Китобхонаи Конгресс ба роҳ монда шавад.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!