Русский  >>  فارسی  >>  Чоршанбе 7 декабр 2016, 23:17

«Спартак» имкони идомаи сабқатро аз даст дод

21 ноябр 2012, 06:29

Шоми дирӯз, 20-уми ноябри соли равон даври 5-уми бозиҳои Лигаи қаҳрамонҳои Аврупо оғоз гардида, айни ҳол идома дорад.

Дастаи «Спартак»-и Русия дар майдони худ аз дастаи «Барселона»-и Испания бо ҳисоби 0:3 шикаст хӯрд. Пас аз ин дидор Спартак ба пуррагӣ имконияташро аз идомаи рақобатҳо дар сабқати Лигаи Аврупо аз даст дод. Акнун русҳо рӯзи 4-уми декабр охирин бозии худро дар меҳмонӣ бо португалиҳо анҷом медиҳанд, ки гуфта мешавад натиҷаи ин бозӣ барои «Спартак» аҳамият надорад, вале барои «Селтик»-и Шотландия ин вохӯрӣ ҳалкунанда маҳсуб меёбад.

Дар бозии дигар, дастаи «Селтик» дар сафар аз тими «Бенифик» бо ҳисоби 2 бар 1 мағлуб гардид. Пас аз ин бозӣ португалиҳо низ мисли шотландиҳо имкон пайдо карданд, то барои баромадан ба мавсими баҳории Лигаи қаҳрамонҳо бо ҳарифонашон талош намоянд. Ҳоло дар гуруҳи «Ё» «Барселона»-и Испания бо 12 хол, «Селтик»-и Шотландия ва «Бенфика»-и Португалия бо 7 хол ва «Спартак»-и Русия соҳиби 3 имтиёзӣ мебошанд.

Дар гурӯҳи «Д» бошад дастаи «Шахтёр»-и Украина дар сафар бар тими  «Нордшелланд»-и Дания бо ҳисоби 5 бар 2 дастболо шуд. Дастаи «Ювентус»-и Италия дар майдони худ дастаи «Челсӣ»-и Лондонро бо ҳисоби 3 бар 0 мағлуб намуд. Феълан дар ҷадвали мусобиқот Шахтиёр 10, Ювентус 9, Челсӣ 7 ва Нордшелланд 1 имтиёзӣ доранд.

Бозии гуруҳи «Е», байни дастаҳои «БАТЭ»-и  Белорусия ва «Лилл»-и Фаронса бо ҳисоби 2 бар сифр ба фоидаи меҳмонон-дастаи «Лилл» хотима ёфт. Бозии  «Валенсия»-и Испания бо «Бавария»-и Олмон мусовӣ 1:1 анҷом ёфт. Дар гурӯҳи мазкур «Бавария», «Валенсия» соҳиби 10 имтиёзӣ буда, «БАТЭ» 6 ва Лилл бо 3 имтиёзӣ ба даст овардаанд.

Сабқат дар гурӯҳи  «Ж», низ пуршиддат сурат гирифт. Тими «Галатасарай»-и Туркия бар дастаи «Манчестер Юнайтед»-и Англия бо ҳисоби 1 бар 0 пирӯз шуд. Дастаи «Брага»-и Португалия дар меҳмонӣ аз «Кулжи»-и Руминия бо ҳисоби 3 бар 1 шикаст хӯрд. Дар гурӯҳи мазкур «Манчестер Юнайтед»-12, «Галатасарай» ва  «Кулжи» 7 ва «Брага» 3 имтиёзиро соҳибанд.

Шоми имрӯз дар доираи даври 5-уми Лигаи Қаҳрамонҳои Аврупо 16 дастаи дигар, аз ҷумла дастаҳои Порту» (Португалия) -  «Динамо» (Хорватия), «Динамо» (Киев)  - «ПСЖ» (Фаронса), «Шалке» (Олмон)- «Олимпиакос» (Юнон), «Андерлехт» (Белгия)- «Милан» (Италия), «Зенит» (Русия) - «Малага» (Испания),  «Аякс»-и (Ҳоланд) - «Борусия» (Олмон), «Манчестер С» (Англия) «Реал М»  (Испания) бо ҳам рақобат мекунанд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!