Русский  >>  فارسی  >>  Шанбе 10 декабр 2016, 08:03

Нигматулину Зуҳуров масоили амнияти минтақаро баррасӣ карданд

23 ноябр 2012, 08:51

Шукурҷон Зуҳуров, райиси МН дар шаҳри Санкт-Петербурги Русия бо раиси палатаи поёнии парлумони Қазоқистон Нурлан Нигматулин мулоқот кард.

Тибқи иттилои Муҳаммадато Султонов, сухангӯи Маҷлиси намояндагони Тоҷикистон дар нишаст масоили тақвияти ҳамкориҳои байнипарлумонӣ миёни Маҷлиси намояндагони Тоҷикистон ва парлумони Қазоқистон, фаъол намудани кори гурӯҳҳои дӯстии парлумонӣ, густариши муносибот дар заминаҳои иқтисод, тиҷорат, энергетика, сармоягузорӣ, захираҳои обӣ, кишоварзӣ, фарҳанг, варзишу туризм мавриди муҳокима қарор гирифт.

Зимни мулоқот Зуҳуров изҳор доштааст, ки байни Маҷлиси намояндагони Тоҷикистон ва парлумони Қазоқистон имконоти хеле зиёд ва фаровон барои тақвияти равобити байнипарлумонӣ вуҷуд дорад ва ба роҳ мондани рафтуомади намояндагони парлумонҳои Тоҷикистону Қазоқистон ба кишварҳои якдигар барои боз ҳам густариш пайдо кардани ин муносибот мусоидат намуда, дар самти истифода аз таҷрибаи ҳамдигар ҷиҳати таҳия ва омода намудани қонун ва дигар санадҳо кӯмак хоҳад кард.

Раиси палатаи поёнии парлумони Қазоқистон ҷаноби Нурлан Нигматулин низ дар навбати худ хостори густариши ҳарчи бештари ҳамкориҳои байнипарлумонии кишвараш бо Маҷлиси намояндагони Тоҷикистон шуд ва илова намуд, ки яке аз ҳадафҳои асосии вохўрии роҳбарони парлумонҳои Тоҷикистону Қазоқистон баррасии масъалаи тақвияти ҳамкориҳо дар тамоми заминаҳо ба шумор меравад. Оқои Нигматулин, ҳамчунин афзуд, ки 4 декабри соли равон дар шаҳри Остона мизи мудавваре ба мавзўи Афғонистон бахшида мешавад, ки ҷониби Тоҷикистон ба он даъват карда мешавад.

Маврид ба ёдоварист, ҳайати парлумонии Тоҷикистон таҳти роҳбарии Шукурҷон Зуҳуров рӯзи 21-уми ноябри соли равон барои иштирок дар нишасти СААД ба Санкт-Петербурги Федератсияи Русия сафар карда буданд.

 



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!