Бозорҳои Душанбе боз дар рӯйхати қиматфурӯшон қарор гирифтанд

Масъулини ташкилоти «АгроИнформ»-и Тоҷикистон мегӯянд, тоҷирони бозори  «Шоҳмансур»-и шаҳри Душанбе дар қиёс ба бозори марказии шаҳри Кӯлоб  биринҷро  беш аз 40% гарон мефурӯшанд.

Аз «АгроИнформ» ба Озодагон иттилоъ доданд, ки ба ҳисоби миёна нархи як кило биринҷ дар бозори «Шоҳмансур»-10 сомонӣ аст, ки ин нишондод дар бозори марказии шаҳри  Кӯлоб 6 сомониро ташкил медиҳад.

Ба қавли намояндагони ин ташкилот аз ҳама нархи гарони биринҷ пас аз бозорҳои Душанбе дар бозори марказии Қӯрғонтеппа мушоҳида шуд: «Он ҷо як кило биринҷ ба нархи 7 сомонӣ ба фурӯш гузошта шудааст. Дар бозори «Панҷшанбе»-и шаҳри Хуҷанд ва бозори марказии шаҳри Истаравшан як кило биринҷ 6 сомонию 50 дирам арзиш дорад».

Гуфта мешавад, аз ҳама нархи арзони биринҷ дар бозори «Бекобод» ҳамсарҳад бо Зафаробод (Ӯзбакистон) мушоҳида гардид, ки як кило биринҷ ба маблағи 4 сомонию 49 дирам ба фурӯш гузошта шудааст.
Мӯҳр