Теъдоди донишҷуёни афғонистонӣ, ки дар Тоҷикистон таълим мегиранд, дар оянда боз ҳам афзоиш меёбад.
Дар ин бора Сироҷиддин Аслов, намояндаи доимии Тоҷикистон дар СММ аснои сӯҳбат бо хабарнигори радиои СММ иттилоъ додааст. Ба қавли ӯ, то соли 2025 ба 1000 донишҷӯи афғон, ки дар Тоҷикистон таҳсил мекунанд, кумакпулӣ низ ироа мешавад. Дар ҳамин ҳол, Вазорати маорифи Тоҷикистон эълом дошт, ки ҳоло дар муассисоти таҳсилоти олӣ беш аз 500 нафар донишҷӯи афғон дарс мехонанд. Аслов дар ҷараёни баррасии гузориши дабири кулли СММ “Дар бораи вазъи Афғонистон ва авоқиби он барои сулҳу субот дар ҷаҳон” дар ин бора ибрози назар кардааст. Ӯ омода сохтани мутахассисонро дар раванди бозсозии иқтисоди Афғонистон калидӣ арзёбӣ кард ва гуфтааст, ба ин манзур дар Душанбе марказҳои тахассусию фаннӣ ифтитоҳ шудааст.
Мӯҳр