Оқилов: «Ман робот не…». Авзалов: «…як умр иждивенетс набошем»

Нахуствазири кишвар дар шаҳри Кӯлоб бо ҷамъи раисони шаҳру навоҳии минтақа   ва масъулин аз вазоратхонаҳои ҷумҳурӣ ҷаласаи тадорукотӣ доир намуд.

Тавре хабарнигори маҳаллии Озодагон аз минтақа иттилоъ дод, пас аз баррасии масоили марбута Оқил Оқилов аз ҷараёни корҳои соҳилмустаҳкамкунӣ ва иншооти муҳофизавӣ интиқод карда гуфт: «Дар ин ҷаласаҳо аз рафти корҳои сохтмонӣ ва мушкилу проблемаҳо ҳарф мезанем. Ман тарафдори иҷрои масъала ҳастам. Ман робот не, ки барои чӣ иҷро нашуд гуфта, мушт бар стол задан гирам. Ҳар мушкилро ҳаматарафа дида баромада, барои ҳалаш чораҷӯӣ менамоем ».

Ҳамзамон, Ғайбулло Авзалов, раиси вилояти Хатлон таъкид намуд, ки дар корҳои соҳилмустаҳкамкунӣ ва сохтмонӣ аз қувваву маблағҳои  худӣ истифода бояд бурд. Ӯ гуфт: «Бояд як умр иждивенетс набошем. Баъзе аз корҳоро бо таври ҳашар, инчунин барқарорсозии пулҳои байнихоҷагиҳоро аз ҳисоби буҷаи ноҳия  ба анҷом расондан лозим»...

Тафсилоти бештар аз ин ҷаласа ва мушкилоти минтақа пас аз чанд лаҳза ба нашр мерасад.
Мӯҳр