Русский  >>  فارسی  >>  Ҷумъа 9 декабр 2016, 20:26

CUTE ULTRA DCS ба фурудгоҳи Душанбе расид

4 декабр 2012, 05:10

Маҳмадюсуф Шодиев, сухангӯи фурудгоҳи байналмилалии Душанбе ба Озодагон гуфт, ки дар толорҳои хизматрасонии фурудгоҳ платформаи CUTE ULTRA DCS насб шуд.

«Платформаи мазкур ва нуқтаҳои нави бақайдгирии муҷаҳҳаз бо техникаи муосир ва пешқадам ба ҳамаи ширкатҳои ҳавопаймоии бо фурудгоҳи Душанбе ҳамкоридошта имконият медиҳад, ки мусофирони худро тариқи низоми худкори хеш ба қайд гиранд»,-афзуд номбурда. Ба гуфтаи вай барои идора намудани системаи нави бақайдгирӣ, ки ҳамакнун насбсозии он ба анҷом расидааст, мутахассисоне заруранд, ки тамоми дастгоҳҳоро идора намуда тавонанд. Бо мақсади омода намудани мутахассисон аз ширкати «Рапискан» муҳандиси коршинос Бену Бинепал даъват шуд ва раванди омӯзиш шурӯъ гардидааст: «Алъон панҷ корманди Хадамоти истифодаи таъминоти радиотехникии алоқа бо таҳсил фаро гирифта шудаанд. Ҷаноби Бинепал 63 сола буда, 37 сол таҷрибаи корӣ дорад. Тахассуси муҳандисиро дар Лондон аз бар карда, дар 50 кишвари ҷаҳон корбарии системаи мазкурро омӯзондааст. Дар кишварҳои Туркия, Сурия, Либия, Қувайт, Дубай, Россия, Мексика ва минтақаи аврупоию ҳинду индонезӣ кор кардааст. Дар ҳоле, ки дарсҳо бо забони англисӣ мегузаранд, ҷаноби Бинепал гуфт ҳудуди даҳ рӯз кофист, то мутахассисон тарзи идора намудани системаи навро азбар намоянд».


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!